دوسرے ٹی 20 میچ میں انگلینڈ نے ٹاس جیت کر پاکستانی کو بلے بازی کی دعوت دی تھی جس کا پاکستانی بلے بازوں نے فائدہ اٹھایا اور 196 رنز کا بڑا اسکور بنایا۔
پاکستان کی جانب سے فخر زمان اور بابر اعظم نے اننگ کا آغاز کیا۔ ابتدائی چھ اوور میں کوئی وکٹ نہیں گرا اور اس طرح سلامی بلے بازوں نے پاکستان کو پہلے وکٹ کے لیے 72 رنز کی مضبوط شروعات دلائی لیکن فخر زمان، عادل رشید کی گیند پر بڑا شاٹ لگانے کی کوشش میں 36 رنز پر آؤٹ ہوگئے۔
تاہم بابر اعظم نے دوسری جانب سے محاذ سنبھالے رکھا اور اپنی نصف سنچری مکمل کی لیکن نصف سنچری کے فوراً بعد وہ آؤٹ ہوگئے۔
اس کے بعد محمد حفیظ نے جارحانہ بلے بازی کرتے ہوئے میدان کے چاروں جانب شاٹس لگائے اور حفیظ کے چھکے کے ساتھ ہی پاکستان کے 150رن مکمل ہوئے۔
شعیب ملک اور حفیظ نے بھی نصف سنچری کی شراکت کی حالانکہ شعیب صرف 14 رن ہی بنا پائے۔ انہیں کرس جارڈن نے پویلین کی راہ دکھائی۔
جبکہ محمد حفیظ نے 36 گیندوں پر 5 چوکوں اور 4 چھکوں کی مدد سے 69 رنز بنائے اور اننگز کے اختتام سے ایک گیند قبل آؤٹ ہوئے۔
اس طرح پاکستان نے مقررہ 20 اوورز میں 4 وکٹوں کے نقصان پر 195 رنز بنائے۔
واضح رہے کہ سیریز کا پہلا ٹی 20 میچ بارش کے باعث بے نتیجہ ختم ہو گیا تھا۔
