ایس ایل سی کے چیف ایگزیکٹو آفیسر ایشلے ڈی سلوا کا خیال ہے کہ انگلینڈ کا کورونا سے متاثرہ سری لنکا کا ٹیسٹ دورہ اگلے سال جنوری میں ہو سکتا ہے۔
انگلینڈ کو اس سال سری لنکا کے ساتھ مارچ میں دو ٹیسٹ میچوں کی سیریز کھیلنی تھی لیکن کورونا وائرس کے خطرے کو دیکھتے ہوئے اسے ملتوی کر دیا گیا تھا اور انگلینڈ کی ٹیم واپس وطن لوٹ گئی تھی۔
انگلینڈ نے مارچ میں 10 دن سری لنکا میں گزارے تھے اور تین روزہ پریکٹس میچ بھی مکمل کیا تھا لیکن کورونا کی وجہ سے دوسرا پریکٹس میچ درمیان میں ہی منسوخ کرنا پڑا تھا۔گالے اور کولمبو میں کھیلے جانے والے یہ دونوں ٹیسٹ ورلڈ ٹیسٹ چمپئن شپ کا حصہ تھے۔
ایس ایل سی کرکٹ دوبارہ شروع ہونے پر جلد سے جلد انگلینڈ کے ساتھ دورے کے متعلق فیصلہ کرنا چاہتا ہے۔اگرچہ انگلینڈ کرکٹ بورڈ (ای سی بی) کی جانب سے جنوری کے بارے میں فی الحال کوئی فیصلہ نہیں کیا گیا ہے۔
ایف ٹی پی کے مطابق انگلینڈ کو جنوری میں ہندستان کے دورے میں پانچ ٹیسٹ میچ کی سیریز کھیلنی ہے لیکن امکان ہے کہ اسے فروری تک ملتوی کردیا جائے گا۔
ڈی سلوا نے کہا کہ ہم انگلینڈ سری لنکا دورے کے نظر ثانی پروگرام کے متعلق بات کر رہے ہیں۔انگلینڈ کو اگلے سال جنوری میں دورہ کرنے کے بارے میں بتایا گیا ہے لیکن ابھی تاریخ مقرر نہیں کی گئی ہے۔
انہوں نے کہا کہ ہمیں دیگر دورے کے نظام میں تبدیلی سے متعلق پروگرام کے بارے میں بھی بات کرنی ہے۔جنوبی افریقہ کے ساتھ دورہ ہونا تھا جس کے بارے میں ہمیں بات کرنی ہے اور دیگر ممالک کے بورڈ سے بھی دورے کے متعلق بات چیت کرنا ہے۔
اسے جون میں جنوبی افریقہ کو سری لنکا کے ساتھ تین ون ڈے اور تین ٹی -20 مقابلے کھیلنے تھے۔بنگلہ دیش کو بھی جولائی اگست میں عالمی ٹیسٹ چمپئن شپ کے تحت سری لنکا کے خلاف تین ٹیسٹ میچوں کی سیریز کھیلنی تھی۔
