کورونا وائرس کے خطرے کے سبب کرکٹ سرگرمیاں معطل ہونے کے درمیان انگلینڈ اور ویسٹ انڈیز کے درمیان آٹھ جولائی سے تین میچوں کی ٹسٹ سیریز کھیلی جائے گی۔
اگرچہ اس کے لیے انگلینڈ اینڈ ویلس کرکٹ بورڈ (ای سی بی) کو حکومت کی اجازت کا انتطا ہے۔ یہ مقابلہ شائقین کے بغیر کھیلا جائے گا۔
روٹ کی اہلیہ کیری حاملہ ہیں اور جولائی کے پہلے ہفتے میں ان کے یہاں دوسرے بچے کی ولادت متوقع ہے۔ اس دوران پہلا ٹسٹ کھیلا جانا ہے۔ روٹ کے مطابق وہ اپنی اہلیہ کے ساتھ رہیں گے چاہے اس کے لئے انہیں پہلے ٹسٹ سے باہر ہی کیوں نہ ہونا پڑے۔
روٹ کی غیر موجودگی میں اسٹاکس کو پہلی بار انگلینڈ کی کمان سونپی جاسکتی ہے۔ اسٹاکس نے اگرچہ گھریلو کرکٹ میں تین بار کپتانی کی ہے لیکن کبھی قومی ٹیم کی کمان نہیں سنبئالی۔
روٹ نے کہا ’’میرے خیال مین اگر اسٹاکس کپتان سنبھالیں گے تو یہ بہتر ہوگا۔ انہوں نے نائب کپتان کے طور پر اچھی کارکردگی کا مظاہرہ کیا ہے اور ٹیم کے کپتان کے طور پر وہ ایک مثال پیش کرسکتے ہیں۔ وہ یہ دیکھ سکتے ہیں وہ کس طرح مختلف حالات میں ٹریننگ، گیند بازی اور بلے بازی کرسکتے ہیں۔
انہوں نے کہا کہ ’’اسٹاکس اپنے ساتھ لوگوں کو شامل کرنے کی صلاحیت رکھتے ہیں اور ٹیم کے بہترین کھلاڑی ان کے ساتھ ہیں۔ میرے خیال میں ایک کپتان میں یہ خوبی ہونا کافی ضروری ہے۔ اگر انہیں یہ موقع ملتا ہے تو وہ ایک اچھے کپتان ثابت ہوں گے۔‘‘
