انگلینڈ نے پہلے بلے بازی کرتے ہوئے مقررہ 50 اوورز میں 8 وکٹوں نے نقصان پر 305 رنز بنائے تھے۔
ہدف کا تعاقب کرنے اتری نیوزی لینڈ ٹیم کے حوصلے شروعات سے پست نظر آئے اور وقفہ وقفہ سے اس کے وکٹ گرتے رہے اور پوری ٹیم 186 رنز پر آؤٹ ہوگئی۔
نیوزی لینڈ کی جانب سے ٹام لاتھم نے سب سے زیادہ 57 رنز بنائے جبکہ رواں عالمی کپ میں بہترین بلے بازی کا مظاہرہ کرنے والے کیوی کپتان کین ولیمسن اس میچ میں 27 رنز ہی بنا سکے، اس کے علاوہ راس ٹیلر نے 28 رنز بنائے۔
انگلینڈ کی جانب سے مارک ووڈ نے شاندار گیندبازی کی اور 3 بلے بازوں کو پویلین کی راہ دکھائی جبکہ کرس ووکس، جوفرا آرچر، لیام پلنکٹ، عادل راشد اور بین اسٹوکس نے ایک ایک بلے باز کو آؤٹ کیا۔
اس سے قبل ٹاس جیت کر پہلے بلے بازی کرنے اتری انگلینڈ کی شروعات گزشتہ میچ کی طرح اس میچ میں بھی شاندار رہی اور سلامی بلے بازوں جانی بیرسٹو اور جیسن رائے نے پہلے وکٹ کے لیے 123 رنز جوڑے۔
جیسن رائے 60 رنز کے انفرادی اسکور پر آؤٹ ہوئے انہیں جیمس نیشام نے مچل سینٹنر کے ہاتھوں کیچ آؤٹ کیا۔
اس کے بعد جو روٹ اور جوس بٹلر جلدی آؤٹ ہو گئے جبکہ ایون مورگن نے اننگ سنبھالی اور 42 رنز بنائے جبکہ اس سے قبل بیرسٹو نے رواں عالمی کپ میں لگاتار دوسری سنچری مکمل کی، انہوں نے 99 گیندوں میں 106 رنز بنائے۔
بیرسٹو نے گزشتہ میچ میں بھارت کے خلاف بھی سنچری بنائی تھی۔
اس کے علاوہ کوئی بھی بلے باز قابل ذکر اسکور نہیں بنا سکا۔
نیوزی لینڈ کی جانب ٹرینٹ بولٹ، میٹ ہینری اور جیمس نیشام نے دو دو وکٹیں حاصل کیں جبکہ مشیل سینٹنر اور ٹم ساؤتھی کے حصے میں ایک ایک وکٹ آئے۔
