گزشتہ روز پاکستانی ٹیم کے مزید تین ارکان کی جانچ کی گئی جن میں سے ایک کے کورونا سے متاثر ہونے کی تصدیق ہوگئی ہے اور بقیہ دو کی رپورٹ آنا باقی ہے۔ پاکستانی ٹیم کے 46 اراکین کا کورونا ٹیسٹ کیا گیا تھا۔
نیوزی لینڈ کی وزارت صحت نے کہا کہ 'پاکستانی ٹیم کے تین اراکین کے کورونا وائرس سے متاثر ہونے کی کل جانچ کی گئی تھی جن میں سے ایک رکن مثبت پایا گیا ہے۔
وزارت نے کہا کہ 'ٹیم کو تب تک ٹریننگ کی اجازت نہیں ہے جب تک کنٹربری ڈی ایچ بی ہیلتھ میڈیکل افسر یہ اطمینان نہیں کرلیتے کہ کسی بھی تربیتی سرگرمی کے دوران اراکین سے کورونا وائرس کے پھیلنے کی امید نہیں ہے۔
پاکستان اور نیوزی لینڈ کے مابین 18 دسمبر سے تین ٹی 20 اور دو ٹیسٹ میچوں کی سیریز ہونی ہے۔ اس کے لیے پاکستان کی ٹیم کوارنٹین ہے لیکن اس کے کچھ اراکین نے پہلے دن ہی کوارنٹین ضابطوں کی خلاف ورزی کی تھی جس کے بعد نیوزی لینڈ کی وزارت صحت نے اسے آخری وارننگ دی تھی۔
نیوزی لینڈ کے ہیلتھ ڈائرکٹر جنرل ڈاکٹر ایشلے بلوم فیلڈ نے کوارنٹین پروٹوکول توڑنے پر پاکستان ٹیم پر سخت تنقید بھی کی تھی۔ انہوں نے کہا تھا کہ ٹیم کے اراکین کو اپنے اپنے کمرے میں رہنا تھا لیکن کچھ اراکین نے اس کی خلاف ورزی کی اور ایک ساتھ میں رہے، کھانا بانٹا اور ماسک بھی نہیں پہنا۔
پاکستان کرکٹ بورڈ نے بھی بیان جاری کرکے کہا کہ جمعرات کو ٹیم کے اراکین کی کورونا سے متاثر ہونے کی جانچ کی جائے گی اور اگر جانچ رپورٹ میں نگیٹیو ملتے ہیں تو وہ اپنی باقی ٹیم کے ساتھ آئسولیشن کے وقت کے دوران مشق کرسکتے ہیں۔
