بھارتی کرکٹ ٹیم کے وکٹ کیپر بلے باز کیریبیئن پریمیئر لیگ کے دوران ترینباگو نائٹ رائیڈرز کے ڈریسنگ روم میں نظر آئے تھے جس کے بعد بھارتی کرکٹ کنٹرول بورڈ (بی سی سی آئی) نے کارتک کے خلاف وجہ بتاؤ نوٹس جاری کیا تھا
بی سی سی آئی نے دنیش کارتک کے خلاف قومی معاہدہ توڑنے کے معاملے میں وجہ بتاؤ نوٹس جاری کیا تھا۔
بی سی سی آئی کے معاہدے کے مطابق کوئی بھی بھارتی کھلاڑی بورڈ سے این او سی کے بغیر آئی پی ایل کے علاوہ کسی بھی قسم کی لیگ میں نہیں کھیل سکتا۔
بی سی سی آئی نے کارتک کو نوٹس بھیج کر صورتحال کی وضاحت کرنے کی بات کہی تھی۔
دنیش کارتک نے بی سی سی آئی کے نوٹس کا جواب دیتے ہوئے کہا کہ تھا کہ وہ کولکاتا نائٹ رائڈرز (کے کے آر) کے چیف کوچ برینڈن میک کولم کی دعوت پر وہاں گئے تھے۔
کارتک نے ای میل بھیج کر کہا کہ 'میں آپ کو بتانا چاہتا ہوں کہ میں نے ترینباگو نائٹ رائڈرز (ٹی كے آر) کا حصہ نہیں ہوں بلکہ میں کولکاتا نائٹ رائیڈرز(کے کے آر) کے چیف کوچ برینڈن میک کولم کی دعوت پر گیا تھا جو ترینباگو نائٹ رائیڈرز (ٹی كے آر) کے بھی چیف کوچ ہیں۔
انہوں نے کہا کہ میک کولم کا خیال تھا کہ میرا وہاں جانا بطور کے کے آر کپتان کی حیثیت سے میرے لیے فائدہ مند ہو گا۔
کارتک نے بی سی سی آئی کو خط بھیج کر کہا کہ میں بی سی سی آئی سے ان کی اجازت کے بغیر وہاں جانے کے لیے غیر مشروط معافی مانگتا ہوں۔
واضح رہے کہ کارتک یکم سے 9 ستمبر تک ویسٹ انڈیز میں موجود تھے اور اس دوران ٹی كے آر نے تین مقابلے کھیلے تھے، اگرچہ بی سی سی آئی کی طرف سے وجہ بتاو نوٹس جاری ہونے کے بعد انہوں نے کہا کہ وہ ٹی كے آر ڈریسنگ روم میں نہیں بیٹھے تھے۔
