جنوبی افریقی تیز گیند باز ڈیل اسٹین کافی وقت سے زخمی ہونے کی وجہ سے میدان سے باہر ہیں، گزشتہ روز اسکی اطلاع جنوبی افریقی کرکٹ ایسوسی ایشن کو دی گئی، حالانکہ اسٹین یک روزہ اور ٹی-20 کرکٹ کھیلتے رہیں گے۔
چھتیس سالہ اسٹین نے کہا کہ آج میں کرکٹ کے اس فارمیٹ سے الگ ہو رہا ہوں، جس سے میں نے سب سے زیادہ پیار کیا، میرے لحاظ سے ٹیسٹ کرکٹ کا بہترین ورزن ہے، یہ آپ کو ذہنی، جسمانی اور جذباتی طور سے جانچتا ہے۔
انہوں نے مزید کہا کہ دوبارہ ٹیسٹ میچ نہ کھیل پانے کے بارے میں سوچ کر ہی برا احساس ہوتا ہے، لیکن کبھی نہ کھیل پانا زیادہ تکلیف دہ ہے،اس لیے میں یک روزہ اور ٹی-20 پر اپنی توجہ مرکوز کرنا چاہتا ہوں۔
واضح رہے کہ اسٹین نے دسمبر 2004 میں انگلینڈ کے خلاف پورٹ الیزابریتھ میں ٹیسٹ کریئر کا آغاز کیا تھا اور آج وہ جنوبی افریقہ کے سب سے کامیاب گیند باز ہیں ۔
ڈیل اسٹین نے 93 ٹیسٹ میچوں میں 22.95 کی اوسط سے 439 وکٹ لے چکے ہیں۔
:
