ویسٹ انڈیز کے سات وکٹوں کے نقصان پر 289 رنوں کے ہدف کا تعاقب کرتے ہوئے سری لنکا کے اوپننگ بلے بازابھشیکا فرنانڈو اور دمتھ کرونارتنے نے شاندار شروعات کرتے ہوئے پہلے وکٹ کے لئے 111 رنوں کی شراکت داری کی۔ اس جیت کے ساتھ سری لنکا نے تین میچوں کی ون ڈے انٹرنیشنل سیریز میں ایک صفر کی سبقت حاصل کرلی ہے
ابھشیکا فرنانڈو50 رن بنا کرجوزف کی گیند پر آؤٹ ہوئے جبکہ دمتھ کرونارتنے 52 رنوں کے انفرادی اسکور پر ہولڈر کے شکار بنے۔
اس کے بعد کوشال پریرا نے عمدہ بیٹنگ کا مظاہرہ کرتے ہوئے 42 رن بنا کر پال کی گیند پر کیچ آؤٹ ہوئے۔ ڈی سلوا (42رن)اور تھیسارا پریرا (32رن)کے ساتھ نمایاں اسکورررہے۔
سری لنکا نے میچ کے آخری 49.1 اوورز میں نو وکٹوں کے نقصان پر 290 رن بنا کر ویسٹ انڈیز کو ایک دلچسپ اور سنسنی خیز میچ میں ایک وکٹ سے شکست دے دی ۔
ویسٹ انڈیز کی جانب سے جوزف الجاری کوتین،کیمارروش اور والش کو دودووکٹ ملے۔
اس سے قبل سری لنکا کی دعوت پر پہلے بیٹنگ کرتے ہوئے ویسٹ انڈیز نے مقررہ 50 اوورز میں سات وکٹوں کے نقصان پر 289 رن بنا ئے۔
ویسٹ انڈیز کی جانب سے شائی ہوپ 140 گیندوں پر دس چوکوں کی مدد سے 115 رنوں کی شاندار اننگز کھیل اوڈانا کی گیند پر آ ؤٹ ہوئے ۔
اس کے علاوہ روسٹن چیش(41رن)،ڈیرین براوو(39رن)،کیماروش (32رن) بنائے ۔
سری لنکا کی جانب سے اودڈانا کو تین جبکہ پردیپ اور تھیساراپریرا کو ایک ایک وکٹ ملا۔
