اسمتھ کو گزشتہ برس دسمبر میں عبوری ڈائریکٹر مقرر کیا گیا تھا لیکن اب انہیں مستقل طور پر ڈائریکٹر بنایا گیا ہے۔ان کی مدت کار 31 مارچ 2022 تک رہے گی۔ انہوں نے آئی پی ایل میں کمنٹری کرنے کی وجہ سے کچھ بریک لینا تھا لیکن آئی پی ایل کو ملتوی کئے جانے کی وجہ سے انہیں ڈائریکٹر مقرر کر دیا گیا ہے۔
اسمتھ نے کہاکہ مجھے عبوری سے مستقل ڈائریکٹر مقرر کیا گیا ہے جس سے میں اپنی منصوبہ بندی بہتر طریقے سے بنا پاؤں گا۔ بہت کام ہے جنہیں پورا کرنا ابھی باقی ہے۔بین الاقوامی سطح پر ہی نہیں بلکہ کئی سطح پر اس کو پورا کرنا ہے۔میں جنوبی افریقہ کرکٹ کو بین الاقوامی سطح پر دنیا کا بہتر بورڈ بنانے کا متمنی ہوں۔
سی ایس اے کے قائم مقام چیف ایگزیکٹو آفیسر ڈاکٹر جیکس فول اسمتھ کے کام سے بہت متاثر ہیں۔ ان کا خیال ہے کہ اسمتھ نے جنوبی افریقہ کرکٹ کو بحران سے نکالا ہے۔
