کورونا وائرس کے سبب سابق بھارتی کپتان انل کمبلے کی سربراہی میں بین الاقوامی کرکٹ کونسل (آئی سی سی) کی تکنیکی کمیٹی نے گیندبازوں کے ذریعہ گیند پر تھوک لگانے پر پابندی کی تجویز پیش کی تھی ، جسے آئی سی سی نے منظور دی تھی۔
بھارت کے عظیم کرکٹر سچن تندولکر نے کہاکہ اگر ٹیسٹ کرکٹ میں پچ ٹھیک نہیں رہتی ہے تو میرے خیال سے کھیل کا معیار کم ہوجاتا ہے اور میچ کی رفتار سست ہونی شروع ہوجاتی ہے
کیونکہ بلے باز کو معلوم ہوگا کہ اگر وہ غیر ذمہ دارانہ شاٹس نہیں کھیلے گا تو کوئی اسے آؤٹ نہیں کرسکتا جب کہ گیندبازوں کو پتہ ہوتا ہے کہ اسے صبرکرنا ہوگا۔
انہوں نے کہا کہ کھیل کو آگے لے جانے کے لئے ، ہر 45-50 اوور میں ایک نئی گیند استعمال کی جانی چاہئے کیونکہ ون ڈے کرکٹ میں ہم صرف 50 اوورز کھیلتے ہیں اور دو گیندوں کے استعمال کی اجازت ملتی ہے اس حساب سے 25 اوور میں گیند بدلتی ہے ۔
