بھارتی انڈر -19 ٹیم کے کپتان پریئم گرگ نے کہا کہ 'گیند بازوں نے بہترین کارکردگی کا مظاہرہ کیا لیکن یہ دن ہمارا نہیں تھا۔ بھارتی ٹیم کو بنگلہ دیش کے ہاتھوں انڈر -19 ورلڈ کپ کے فائنل مقابلے میں تین وکٹ سے شکست کا سامنا کرنا پڑا جس سے اس کا پانچویں بار خطاب جیتنے کے خواب ٹوٹ گیا۔'
بنگلہ دیش نے بھارت کو شکست دے کر پہلی بار اس ٹورنامنٹ کا خطاب جیت لیا ہے۔
پريئم نے کہا کہ 'ٹیم میں تمام کھلاڑیوں نے بہترین کارکردگی کا مظاہرہ کیا لیکن نتائج ہمارے حق میں نہیں گئے۔'
یہ ہمارا دن نہیں تھا۔ مجھے خوشی ہے جس طرح گیند بازوں نے عمدہ کارکردگی کا مظاہرہ کیا اور اپنا بہترین دینے کی کوشش کی۔ ٹاس سے کوئی فرق نہیں پڑتا لیکن بنگلہ دیش کے گیند بازوں نے ٹیم کو بہتر شروعات دلائی۔
انہوں نے کہاکہ ہمارے بلے بازوں نے بھی بہتر کارکردگی کا مظاہرہ کیا لیکن ہمیں امید تھی کہ ہم کچھ رنز اور بنا پائیں گے۔
اس پچ پر 215-200 رنز ایک اچھا ا سکور ہوتا۔ 178 رنز کا ہدف اچھاا سکور نہیں تھا۔ لیکن اس کے باوجود ہمارے گیند بازوں نے بہترین گیند بازی کی اور ہمیں میچ میں برقرار رکھا۔
کپتان نے کہاکہ بنگلہ دیش کے بلے بازوں نے بہترین بلے بازی کی لیکن میں اپنے گیند بازوں کی کارکردگی سے بہت خوش ہوں۔ جنوبی افریقہ میں کھیلنا اچھا تجربہ رہا۔ عالمی کپ سے پہلے بھی ہم نے یہاں سیریز کھیلی تھی جو بہترین رہی تھی۔
