کورونا وائرس کے خطرے کو دیکھتے ہوئے انگلینڈ میں کرکٹ سرگرمیاں 28 مئی تک ملتوی کی گئی ہیں لیکن حالات کو دیکھتے ہوئے آگے بھی کرکٹ کھیلا جائے گا اس کا امکان کم نظر آ رہا ہے۔ انگلینڈ میں کورونا سے حالات اتنے خراب ہیں کہ خود یہاں کے وزیر اعظم بورس جانسن اس وائرس سے متاثر ہو چکے ہیں۔
ہیریسن نے کھلاڑیوں کی یونین پلئیرزکرکٹرز ایسوسی ایشن (پی سی اے) کے چیف ایگزیکٹو آفیسر ٹونی آئرش کو خط بھیج کر کہا کہ ای سی بی کورونا وائرس کے خطرے کو دیکھتے ہوئے مستقبل کے ان کے منصوبوں کو دوبارہ سے دیکھنا پڑے گا۔
کورونا وائرس سے لڑنے کے لئے ای سی بی نے 6.1 کروڑ پونڈ (تقریبا پانچ ارب 73 کروڑ روپے) کی مالی مدد دینے کا اعلان کیا ہے۔ ای سی بی کو امید ہے کہ وہ اپنے سیزن کو جون سے اگست کے درمیان شروع کر سکتا ہے۔
29 مارچ کو بھیجے گئےاپنے خط میں ہیریسن نے کہا ہے کہ کورونا وائرس کی وجہ سےکھیل کی دنیا کافی مشکل دور سے گزر رہی ہے۔ انہوں نے تسلیم کیا کہ اس وائرس کا کرکٹ پر کافی اثر پڑا ہے۔
