بھارتی کرکٹ ٹیم کے باقاعدہ اوپنرکے ایل راہل نے پانچویں نمبر پر بلے بازی کرتے ہوئے 52 گیندوں میں چھ چوکوں اور تین چھکوں کی مدد سے 80 رنز کی نصف سنچری اننگز کھیلی اور مین آف دی میچ بنے۔
بھارت نے یہ میچ 36 رنز سے جیت کے ساتھ سیریز میں 1-1 سے برابری حاصل کر لی ہے۔
راہل نے میچ کے بعد اپنے مڈل آرڈر میں اس شاندار کارکردگی کے لئے کئی بڑے بلے بازوں کو کریڈٹ دیتے ہوئے کہاکہ میں نے مڈل آرڈر میں بیٹنگ کیلئے اسٹیون اسمتھ کین ولیمسن اور اے بی ڈی ویلیرس کے ویڈیو دیکھے تھے جس سے مجھے پانچویں نمبر پر بلے بازی کرنے میں کافی مدد ملی۔
انہوں نے کہاکہ میں نے تکنیکی طور پر مڈل آرڈر پر کھیلنے کے لیے کچھ مختلف تیاری کی ہے لیکن میں نے کئی مڈل آرڈر کے بلے بازوں سے بات کی اور ان کے کئی سارے ویڈیوز دیکھے۔
میں نے وراٹ کوہلی سے بھی بہت بات کی اور ڈی ویلیرس، اسمتھ اور کین کے کئی ویڈیوز دیکھے کہ وہ کس طرح اپنی اننگز کو سنبھالتے ہیں۔
27 سالہ بلے باز نے کہاکہ ولیمسن ایسے ہیں جن کے ویڈیو میں نے کئی بار دیکھے کہ وہ کس طرح اپنی اننگز كو سنبھالتے ہیں اور کچھ خاص حالات میں کس طرح کھیلتے ہیں۔
میرا مقصد یہی ہے کہ کس طرح میں نے اپنے کھیل کو بہتر بنا سکتا ہوں اور کچھ خاص حالات میں بہتر کس طرح کھیل سکتا ہوں۔
