بھارت نے ممبئی کے وانکھیڑے میدان پر ویسٹ انڈیز کے خلاف فیصلہ کن کرو یا مرو کے میچ میں بدھ کو 67 رن سے جیت اپنے نام کر کے سریز 2-1 سے جیت لی ہے۔ اس میچ میں اپنی 91 رن کی اننگ سے راہل کو مین آف دی میچ منتخب کیا گیا۔
اوپننگ بلے باز کے ایل راہل نے کہا کہ ورلڈ کپ سے پہلے ان کے لیے ہر میچ ایک سبق کی طرح ہے اور وہ سیریز میں اپنا تعاون دے کر کافی خوش ہیں۔
راہل نے کہاکہ اس میچ میں وراٹ اور روہت دونوں ہی جارحانہ موڈ میں کھیلنے اترے تھے۔ میں بہت خوش ہوں کہ ہم نے سریز جیت لی۔ عالمی کپ سے پہلے تو ہر میچ اہم ہے۔
بھارت نے اس میچ میں پہلے بیٹنگ کرتے ہوئے تین وکٹ پر 240 رن کا بڑا اسکور بنایا جبکہ پہلے بلے بازی میں اس کا ریکارڈ بہت اچھا نہیں رہا ہے۔
انہوں نے کہاکہ ہم جانتے ہیں کہ پہلے بلے بازی کرنے میں ہمارا ریکارڈ بہت اچھا نہیں رہا ہے۔ لیکن اس میچ میں ہمیں موقع ملا کہ پچھلی غلطیوں کو بہتر بنا سکیں اور ایسا کر پانے میں ہم کامیاب بھی رہے۔
راہل نے کہاکہ عالمی کپ سے پہلے یہ سریز جیت ہمیں کافی اعتماد دے گی۔ ہمارے لیے ہر میچ ایک سبق ہے۔بھارت کے لئے چھوٹے فارمیٹ میں اسکور کا دفاع کرنا کچھ عرصے سے تشویش کا سبب رہا ہے، لیکن اس مقابلے میں اس نے بخوبی اس کا دفاع کیا۔
ممبئی میں اس جیت سے پہلے تک وراٹ کی ٹیم نے پہلے بیٹنگ کرتے ہوئے اپنے گزشتہ سات میں سے پانچ میچ ہارے ہیں جس میں ویسٹ انڈیز کے خلاف اس سیریز کا دوسرا میچ بھی شامل ہے۔
