بنگلہ دیش حکومت نے 31 مئی سے ملک میں لاک ڈاؤن اٹھانے کا فیصلہ کیا تھا ، جس کے بعد کھلاڑیوں نے آہستہ آہستہ کھیلوں کی سرگرمیاں شروع کردیں۔
مشفق الرحیم سمیت دیگر بہت سے کھلاڑیوں نے بی سی بی سے شیر بنگلہ نیشنل اسٹیڈیم میں تربیت حاصل کرنے کی اجازت طلب کی تھی لیکن بی سی بی نے سیکیورٹی کا حوالہ دیتے ہوئے کرکٹرز کا مطالبہ مسترد کردیا۔
بی سی بی کے چیف ایگزیکٹو آفیسر نظام الدین چودھری نے کہا کہ رحیم نے ہم سے بات کی اور وہ اسٹیڈیم کے اندر ٹریننگ شروع کرنے کی اجازت طلب کر رہے تھے
لیکن ہم نے انہیں بتایا کہ اس کے لئے یہ محفوظ وقت نہیں ہے اور انہیں گھر پر رہ کر ٹریننگکرنی چاہئے۔ تربیت ضروری ہے ، لیکن ساتھ ہی ساتھ ، کھلاڑیوں کی حفاظت بھی ہمارے لئے اتنی ہی اہم ہے۔
چودھری نے کہا کہ کچھ دوسرے کھلاڑی بھی نجی طور پر ٹریننگ کی اجازت چاہتے ہیں لیکن ہم نے سب کو ایک ہی پیغام دیا ہے۔ ہم انفیکشن کی روک تھام کے لئے انتظامات کر رہے ہیں لیکن ہم ابھی تک اس کی سہولت فراہم نہیں کرسکے ہیں۔
