یوم مادر کے موقع پرعظیم کرکٹر سچن تندولکر نے کورونا وائرس کے خلاف جنگ میں اہم رول ادا کرنے والی خواتین سے ویڈیو کانفرنسنگ کے ذریعہ تبادلہ خیال کرتے ہوئے ان کی خدمات کو سراہا۔
انہوں نے کہاکہ ملک کی موجودہ صورتحال سنگین ہے۔ اس کے باوجود خواتین اس وباء سے نمٹنے کے لئے جو ذمہ داری اٹھارہی ہیں وہ قابل تعریف ہے۔ ان کی جتنی بھی تقریف کی جائے وہ کم ہے۔
بھارت رتن سچن تندولکر نے کہاکہ آج حالات ایسے ہیں کہ خواتین اپنے اپنے بچوں کو چھوڑ کر ملک کو کورونا وائرس سے نجات دلانے میں مصروف ہیں۔ موجودہ حالات میں کام کرنے والی تمام خواتین کی خدمات کو کبھی بھی فراموش نہیں کیا جاسکتا ہے۔
عظیم کرکٹر نے کہا کہ خواتین کو ہمیشہ سے ہی گھرسنبھالتے ہوئے دیکھا گیا ہے لیکن آج وہ مردوں کے شانہ بہ شانہ کوروناوائرس سے نمٹنے میں اہم رول ادا کر رہی ہیں۔ ہمارے لئے یہ فخر کی بات ہے۔
