بھارتی کرکٹ ٹیم کے سابق کپتان سورو گنگولی نے ٹویٹ کرتے ہوئے لکھا کہ آسٹریلیا کی سرزمین آسڑیلیا کو شکست دے کر ٹیسٹ سیریز جیتنا کوئی معمولی بات نہیں ہے۔
انہوں نے کہا کہ یہ ایک ایسی تاریخی کامیابی ہے، جسے کبھی بھی فراموش نہیں کیا جا سکتا ہے۔ بھارتی کرکٹ کی تاریخ میں یہ ٹیسٹ سیریز امر رہے گی۔
بی سی سی آئی کے صدر کا کہنا تھا کہ وراٹ کوہلی کی غیرموجودگی میں اجنکیا رہانے نے اپنی قائدانہ صلاحیتوں کا لوہا منوایا۔
انہوں نے غیر معمولی انداز میں بھارتی کرکٹ ٹیم کی قیادت کی۔ انہوں نے کہا کہ رشبھ بنت اور حیدرآباد کے نوجوان فاسٹ بالر محمد سراج کی تعریف کرتے ہوئے کہا کہ دونوں مستقبل کے ہیرو ہیں۔
انہوں نے غیر معمولی کارکردگی کا مظاہرہ کیا۔ سابق بھارتی کرکٹ ٹیم کے کپتان سورو گنگولی نے کہا کہ دل تو کر رہا ہے کہ کھلاڑیوں سے ملاقات کرنے کے آسڑیلیا پہنچ جاؤں، لیکن کیا کروں ڈاکٹر اس کی اجازت نہیں دیتے۔
مزید پڑھیں:
بارڈر۔گاوسکر ٹرافی: بھارت کی تاریخی فتح
واضح رہے کہ بھارتی کرکٹ ٹیم نے آسٹریلیا کو 1-2 سے شکست دے کر تاریخی ٹیسٹ سیریز جیتی ہے۔
