بنگلہ دیش ٹیم رواں ماہ کے آخر میں سری لنکا کا دورہ کرے گی جس میں وہ تین یک روزہ میچوں کی سیریز کھیلے گی۔
اپریل میں سری لنکا میں ہونے والے دہشت گردانہ حملے کے بعد بنگلہ دیش کرکٹ بورڈ نے اپنی ٹیم کو سری لنکا کا دورہ کرنے سے انکار کر دیا تھا لیکن سری لنکا کرکٹ بورڈ کے سیکورٹی فراہم کرنے کی یقین دہانی کے بعد اب بنگلہ دیش ٹیم 23 جولائی کو سری لنکا روانہ ہوگی۔
بنگلہ دیش کرکٹ بورڈ کے چیف ایگزیکٹیو نظام الدین چودھری کہا کہ ہم نے اپنے اہلکاروں کو سیکورٹی کا جائزہ لینے کے لیے سری لنکا روانہ کیا تھا اور اطمینان بخش سیکورٹی انتظامات ہونے کے بعد ہماری ٹیم اب سری لنکا دورہ کرے گی۔
واضح رہے کہ 23 جولائی کو بنگلہ دیش ٹیم سری لنکا روانہ ہوگی اور تین یک روزی میچوں کی سیریز کھیلے گی جو بالترتیب 26، 28 اور 31 جولائی کو ہوگا اور تمام میچز آر پریم داسا اسٹیڈیم انٹرنیشنل میں کھیلے جائیں گے۔
