عالمی کپ کھیلنے کے لیے انگلینڈ پہنچی بھارتی ٹیم آج اپنا پہلا پریکٹس میچ نیوزی لینڈ کے خلاف کھیلے گی، لیکن میچ سے ایک دن پہلے ہی اس کے لیے وجے شنکر کی چوٹ باعث فکر بن گئی ہے۔
تفصیلات کے مطابق، شنکر کو پریکٹس کے دوران دائیں کندھے میں چوٹ لگی جس کے بعد وہ فوری طور پر میدان چھوڑ کر باہر چلے گئے۔
وجے شنکر بلے بازی کی مشق کر رہے تھے تبھی بھارتی ٹیم کی پریکٹس میں مدد کرنے کے لیے انگلینڈ جانے والے بائیں ہاتھ کے تیز گیند باز خلیل احمد کی گیند ان کے کندھے میں لگ گئی تھی اور وہ میدان سے باہر چلے گئے تھے۔
بی سی سی آئی نے اگرچہ شنکر کی حالت پر ابھی تک کوئی وضاحت نہیں کی ہے، لیکن بھارتی ٹیم امید کرے گی کہ شنکر کی چوٹ سنگین نہ ہو۔
واضح رہے کہ وجے شنکر کو چوتھے نمبر پر بلے بازی کے لیے ٹیم میں شامل کیا گیا ہے۔
