پاکستان نے پہلی اننگز میں 240 رنز بنائے تھے اس کے جواب میں آسٹریلیا نے اپنی پہلی اننگز میں ڈیوڈ وارنر اور لیبیوشین کی سنچری کی بدولت 580 رنز بنا کر 340 رنز کی بڑی برتری حاصل کرلی تھی۔
پاکستان کی ٹیم اپنی دوسری اننگ 335 رنز پر سمٹ گئی اور میچ اننگ اور پانچ رنز سے ہار گئی۔
آسٹریلیا کو اس جیت سے 60 پوائنٹس حاصل ہوئے اور آئی سی سی ٹیسٹ چیمپیئن شپ میں اس کے 116 پوائنٹس ہو گئے ہیں اور وہ چیمپیئن شپ فہرست میں بھارت کے بعد دوسرے نمبر پر آ گئی ہے جبکہ آئی سی سی ٹیسٹ چیمپیئن شپ میں یہ میچ پاکستان کا پہلا ٹیسٹ میچ تھا۔
پاکستان نے دوسری اننگز میں مزاحمت بھری کارکردگی کا مظاہرہ کیا لیکن بابر اعظم 104 کی سنچری کے باوجود اسے اننگز سے شکست کا سامنا کرنا پڑا۔
آسٹریلیا کی جانب سے جوش ہیزل وڈ نے چار، مشیل اسٹارک نے تین وکٹ اور پیٹ کمنز نے دو وکٹیں حاصل کیں۔
لیبیوشین کو شاندار 185 رنز کی اننگ کی وجہ سے انہیں مین آف دی میچ کے ایوارڈ سے نوازا گیا۔
غیر ملکی زمین پر گزشتہ پانچ میچوں میں پاکستان کی یہ مسلسل پانچویں شکست ہے، پاکستان کی اس میدان پر اننگز سے یہ دوسری شکست ہے، دوسری طرف آسٹریلیا نے اس میدان پر سنہ 1988 سے اپنا فتح کا ریکارڈ برقرار رکھا ہے، آسٹریلیا نے برسبین کے گابا میدان پر سابقہ 31 ٹیسٹ میچوں میں 24 جیتے ہیں جبکہ سات میچز ڈرا ہوئے ہیں۔
