بھارت بمقابلہ آسٹریلیا ٹیسٹ سیریز: میزبان ٹیم محض 191 رنز پر آل آوٹ

ایڈیلیڈ میدان پر جاری بھارت اور آسٹریلیا کے پہلے ڈے نائٹ ٹیسٹ میچ کے دوسرے دن آسٹریلیائی ٹیم پہلی اننگز میں محض 191 رنز بنا کر آل آوٹ ہوگئی، جس کی وجہ سے بھارت کو 53 رنز کی سبقت حاصل ہوگئی ہے۔ دوسرے دن کے کھیل ختم ہونے تک بھارت نے دوسری اننگز میں ایک وکٹ کے نقصان پر 9 رن بناکر کھیل رہی ہے۔

ایڈیلیڈ ٹیسٹ میچ کے دوسرے روز آسٹریلیائی ٹیم اپنی پہلی اننگز میں 191 رنز بناکر آؤٹ ہوگئی ، پہلی اننگز کی بنیاد پر بھارت کو 53 رنز کی سبقت حاصل ہوئی۔

بھارت کی جانب سے آر اشون نے شاندار گیند بازی کا مظاہرہ کرتے ہوئے 4 وکٹیں حاصل کیں ، امیش یادو نے 3 اور جسپریت بمراہ نے 2 وکٹیں حاصل کیں، جبکہ مچل اسٹارک رن آؤٹ ہوکر پویلین لوٹ گئے۔

بھارت بمقابلہ آسٹریلیا ٹیسٹ سیریز: میزبان ٹیم محض 191 رنز پر آل آوٹ

آسٹریلیائی ٹیم کے لیے کپتان ٹم پین نے ناقابل شکست 73 رنز بنائے، پین کے علاوہ لگھوشامبے نے 47 رنز بنائے۔

بھارت کی پہلی اننگز 244 رنز پر آؤٹ ہوگئی تھی، بھارت کے لیے کوہلی نے سب سے زیادہ 74 رنز بنائے تھے، دوسرے دن کا کھیل شروع ہوتے ہی اشون پہلے ہی اوور میں پویلین لوٹ گئے، امیش یادو ساہا کی مدد کے لیے کریز پر آئے ہیں۔ اس کے اگلے ہی اوور میں ساہا 9 رنز بنا کر آؤٹ ہوگئے، محمد سمیع آخری وکٹ کے طور پر آؤٹ ہوئے۔

آسٹریلیا کی طرف سے مچل اسٹارک نے 4 ، پیٹ کمنس نے 3 ، جوش ہیزل ووڈ اور نیتھن لیون نے 1-1 وکٹیں حاصل کیں۔

مزید پرھیں: ذہنی اذیت کے شکار عامر نے سبکدوشی کا کیا اعلان