بی سی سی آئی کی جمعرات کے روز احمدآباد میں اپنی 89 ویں سالانہ عام اجلاس کے دوران آئی پی ایل کی ٹیموں کی تعداد 2022 میں بڑھا کر 10 کرنے پر رضمامندی ہوئی۔ آئی پی ایل گورننگ کونسل سے اس سلسلے میں کام کرنے کے لئے کہا گیا ہے۔
آئی پی ایل میں فی الحال آٹھ ٹیمیں حصہ لیتی ہیں جن میں ممبئی انڈینس، دہلی کیپٹلس، راجستھان رائلس، چنئی سپرکنگس، کنگس الیون پنجاب، کلکتہ نائیٹ رائیڈرس، سن رائزرس حیدرآباد اور رائل چیلنجرس بنگلور شامل ہیں۔
یہ خیال کیا جاتا ہے کہ بی سی سی آئی کے صدر سوربھ گانگولی اور سکریٹری جئے شاہ نے میٹنگ کے دوران اس بات پر زور دیا کہ آئی پی ایل کو ایک بڑے فارمیٹ میں پیش کیا جائے جس سے دنیا بھر میں مزید کھلاڑیوں کو مواقع ملیں اور نئے شہر بھی آئی پی ایل کے ساتھ شامل ہوں گے۔
بورڈ ممبران اور ریاستی ایسوسی ایشنز نے 2022 کے سیزن سے 10 ٹیموں کو آئی پی ایل میں شامل کرنے پر اتفاق کیا اور آئی پی ایل کی گورننگ کونسل کونئی ٹیموں کو شامل کرنے کے لئے تیاری کرنے کے لئے کہا۔ ریاستی ایسوسی ایشن اور بی سی سی آئی کے عہدیداروں نے بھی اتفاق کیا کہ 2021 سیزن کے مختصر وقت کی وجہ سے ، آئی پی ایل کے 14 ویں سیزن میں ٹیموں کی تعداد میں اضافہ نہیں کیا جاسکتا ہے ، لہذا اس میں آٹھ ٹیمیں ہی حصہ لیں گی۔
بی سی سی آئی نے فیصلہ کیا ہے کہ نئی ٹیم اس ریاست کی ہوگی جہاں سے ابھی کوئی ٹیم شامل نہیں ہے۔ ایسے میں مہاراشٹر ، تمل ناڈو ، کرناٹک ، تلنگانہ ، مغربی بنگال ، راجستھان ، دہلی اور چنڈی گڑھ جیسی نئی ٹیمیں نہیں ہوں گی۔ یہ بات چیت کی جارہی ہے کہ نئی ٹیموں کے لئے احمد آباد ، راجکوٹ ، وشاکھاپٹنم ، کوچی ، تروننت پورم اور لکھنؤ پسندیدہ شہر ہیں۔
یو این آئی
