بھارتی کرکٹ ٹیم کے کامیابی ترین کپتانوں میں شمار کئے جانے والے محمد اظہرالدین کے بیٹے اسدالدین جلد ہی بھارت کی معروف ٹینس کھلاڑی ثانیہ مرزی کی چھوٹی بہن انعم مرزا کے ساتھ رشتہ ازدواج سے منسلک ہونے والے ہیں۔
واضح رہے کہ کافی وقت سے اسد اور انعم کی شادی کی باتیں گشت کر رہی تھیں لیکن دونوں کی جانب سے اس بات پر کسی بھی قسم کا بیان یا وضاحت نہیں کی جا رہی تھی لیکن ثانیہ مرزا نے اس بات کی تصدیق کی ہے کہ ان کی بہن انعم اور اظہر کے بیٹے اسد جلد ہی شادی کے بندھن میں بندھنے والے ہیں۔
تفصیلات کے مطابق ان دونوں کی شادی رواں برس کے آخری ماہ دسمبر میں متوقع ہے۔
واضح رہے کہ اسدالدین کرکٹر ہونے کے ساتھ ساتھ پیشے سے وکیل جبکہ انعم مرزا فیشن اسٹائلسٹ ہیں۔
چند روز قبل انعم نے سوشل میڈیا پر اسد کے ساتھ ایک تسویر شیئر کی تھی اور اس کے ساتھ لکھا تھا'فیمیلی'۔
یہ تصویر شیئر ہونے کے بعد سے ہی ان دونوں کی شادی کی باتیں گشت کرنے لگی تھیں جو ثانیہ مرز کی تصدیق کے بعد ختم ہوئی۔
