حیدرآباد: جمعہ کو چنئی کے ایم اے چدمبرم اسٹیڈیم میں پاکستان کرکٹ ٹیم جنوبی افریقہ کے ہاتھوں سنسنی خیز مقابلے میں شکست کھانے کے بعد آئی سی سی ورلڈ کپ 2023 سے باہر ہونے کے دہانے پر ہے۔ یہ میچ پاکستان کے لیے کرو یا مرو جیسا تھا اور پاکستان کرکٹ ٹیم نے اس میچ کو اسی حساب سے کھیلا بھی تھا لیکن قسمت ساتھ نہ ہونے کی وجہ سے امپائر کا فیصلہ پاکستان کے لیے مہنگا ثابت ہوا اور جیتا ہوا میچ پاکستان ایک وکٹ سے ہار گیا۔
دراصل پاکستان کے گیندبازوں نے اس وقت میچ میں واپسی کی جب جنوبی افریقہ کو جیت کے لیے صرف 65 رنز درکار تھے اور اس کا اسکو 33 اوورز میں چار وکٹ پر 206 رنز تھا۔ وہاں سے پاکستان نے پانچ وکٹیں حاصل کرکے میچ کو اپنی جھولی میں تقریبا ڈال ہی لیا تھا۔ آخری وکٹ پر پاکستان نے ایل بی ڈبلیو زور دار اپیل کی لیکن فیلڈ امپائر نے اس ناٹ آوٹ قرار دیا جس کی وجہ کپتان بابر اعظم نے ڈی آر ایس (ڈیسیژن ریویو سسٹم) لے لیا۔
جس کے بعد یہ فیصلہ تھرڈ امپائر کے پاس چلا گیا اور جب تھرڈ امپائر نے اس گیند کو چیک کیا تو سب کچھ پاکستان کے حق میں گیا سوائے امپائرز کال کے چونکہ فیلڈ امپائر نے اسے ناٹ آوٹ قرار دیا تھا تو تھرڈ امپائر نے بھی اس فیصلے کو برقرار رکھا۔ جس کے بعد جنوبی افریقہ نے ایک وکٹ اور 16 گیندیں باقی رہتے ہوئے یہ میچ جیت لیا۔
امپائر کال کا مطلب یہ ہوتا ہے کہ اگر آن فیلڈ امپائر کا فیصلہ بہت کم مارجن سے غلط ہوتا ہے تو تھرڈ امپائر بھی فیلڈ امپائر کے فیصلے کو برقرار رکھتا ہے اور آن فیلڈ امپائر کے فیصلے پر عمل کیا جاتا ہے۔ امپائر کال صرف ایل بی ڈبلیو فیصلے پر نظرثانی میں موثر ہوتا ہے۔
-
Bad umpiring and bad rules cost Pakistan this game.. @ICC should change this rule .. if the ball is hitting the stump that’s out whether umpire gave out or not out doesn’t matter.. otherwise what is the use of technology??? @TheRealPCB vs #SouthAfrica #worldcup
— Harbhajan Turbanator (@harbhajan_singh) October 27, 2023 " class="align-text-top noRightClick twitterSection" data="
">Bad umpiring and bad rules cost Pakistan this game.. @ICC should change this rule .. if the ball is hitting the stump that’s out whether umpire gave out or not out doesn’t matter.. otherwise what is the use of technology??? @TheRealPCB vs #SouthAfrica #worldcup
— Harbhajan Turbanator (@harbhajan_singh) October 27, 2023Bad umpiring and bad rules cost Pakistan this game.. @ICC should change this rule .. if the ball is hitting the stump that’s out whether umpire gave out or not out doesn’t matter.. otherwise what is the use of technology??? @TheRealPCB vs #SouthAfrica #worldcup
— Harbhajan Turbanator (@harbhajan_singh) October 27, 2023
اس میچ کے بعد کئی سابق کرکٹرز اور کرکٹ ماہرین نے سوشل میڈیا پر پوسٹس کے ذریعے ڈی آر ایس کے اصول پر اپنے خیالات کا اظہار کیا۔ بھارت کے سابق آف اسپنر ہربھجن سنگھ نے سوشل میڈیا سائٹ ایکس پر امپائر کال پر ناراضگی کا اظہار کیا۔ 236 ون ڈے میچوں کے تجربہ کار ہربھجن نے اپنی پوسٹ میں لکھا کہ پاکستان کو یہ میچ خراب امپائرنگ اور خراب قوانین کی وجہ سے ہارنا پڑا۔ آئی سی سی کو اس اصول کو تبدیل کرنا چاہیے۔ اگر گیند اسٹمپ سے ٹکرا جائے تو وہ آؤٹ ہے، چاہے امپائر نے اسے آؤٹ دیا ہو یا ناٹ آؤٹ فرق نہیں پڑتا، ورنہ ٹیکنالوجی کا کیا فائدہ؟
-
Bhajji, @harbhajan_singh I feel the same as you on umpires call, but @Rassie72 and South Africa can have the same feeling.? https://t.co/lcTvm8zXD1
— Graeme Smith (@GraemeSmith49) October 27, 2023 " class="align-text-top noRightClick twitterSection" data="
">Bhajji, @harbhajan_singh I feel the same as you on umpires call, but @Rassie72 and South Africa can have the same feeling.? https://t.co/lcTvm8zXD1
— Graeme Smith (@GraemeSmith49) October 27, 2023Bhajji, @harbhajan_singh I feel the same as you on umpires call, but @Rassie72 and South Africa can have the same feeling.? https://t.co/lcTvm8zXD1
— Graeme Smith (@GraemeSmith49) October 27, 2023
ہربھجن کے بعد سابق جنوبی افریقی کپتان گریم اسمتھ نے اسی میچ میں راسی ونڈر ڈاسن کے امپائر کال کی وجہ سے آوٹ ہونے پر اپنی ہوم ٹیم کے لیے حمایت ظاہر کی۔ اسمتھ نے ہربھجن سنگھ کی پوسٹ کو دوبارہ پوسٹ کیا اور لکھا، 'بھجی، میں امپائرز کال پر آپ کی ہی طرح محسوس کرتا ہوں، لیکن کیا راسی ڈاسن اور جنوبی افریقہ بھی ایسا ہی محسوس کرتے ہیں؟
-
I suspect it is time to explain "Umpire's Call" again. After the ball strikes the pad, what you see is a projection of where the ball might have been, it isn't the actual ball because that has met an obstruction. If more than 50% of the ball is projected to hit the stumps, you…
— Harsha Bhogle (@bhogleharsha) October 27, 2023 " class="align-text-top noRightClick twitterSection" data="
">I suspect it is time to explain "Umpire's Call" again. After the ball strikes the pad, what you see is a projection of where the ball might have been, it isn't the actual ball because that has met an obstruction. If more than 50% of the ball is projected to hit the stumps, you…
— Harsha Bhogle (@bhogleharsha) October 27, 2023I suspect it is time to explain "Umpire's Call" again. After the ball strikes the pad, what you see is a projection of where the ball might have been, it isn't the actual ball because that has met an obstruction. If more than 50% of the ball is projected to hit the stumps, you…
— Harsha Bhogle (@bhogleharsha) October 27, 2023
مشہور کمنٹیٹر ہرشا بھوگلے نے امپائر کال کے بارے میں لکھا کہ ' اب دوبارہ 'امپائرز کال' کی وضاحت کرنے کا وقت آگیا ہے۔ گیند کے پیڈ سے ٹکرانے کے بعد آپ جو دیکھتے ہیں وہ اس بات کا صرف اندازہ ہوتا ہے کہ گیند کہاں گئی ہوگی اور کہاں جاسکتی ہے لیکن یہ اصل گیند نہیں ہوتی ہے کیونکہ پیڈ میں لگ کر اس میں ایک رکاوٹ آگئی ہے۔ انھوں نے آگے لکھا کہ اگر 50% سے زیادہ گیند کے اسٹمپ سے ٹکرانے کی پیش گوئی کی جاتی ہے تو آپ کو 100% یقین دلایا جا سکتا ہے کہ ایسا ہی ہوگا، لیکن اگر 50% سے کم گیندوں کے اسٹمپ سے ٹکرانے کی پیش گوئی کی جاتی ہے تو آپ 100% یقین کے ساتھ گیند کی صحیح سمت نہیں بتا سکتے کہ گیند اسٹمپ سے ٹکرائے گی یا نہیں۔
لہذا، آپ امپائر کے پہلے فیصلے پر واپس جاتے ہیں کیونکہ آپ امپائر کے فیصلے کو پلٹنے کا یقین نہیں کر سکتے۔ یہ بہت اچھا اور منصفانہ طریقہ ہے۔ جیسے جیسے کیمرے بہتر ہوتے جائیں گے ویسے ویسے متوقع راستہ زیادہ یقینی ہوتا جائے گا، ایک دن ایسا بھی آسکتا ہے جب آپ اس بات کا یقین کر لیں گے کہ اگرچہ گیند صرف متوقع راستے میں اسٹمپ کو چھوتی دکھائی دے سکتی ہے حقیقت میں وہ ان سے ٹکرائے گی۔ واضح رہے کہ جنوبی افریقہ کے خلاف شکست کے بعد پاکستان ٹورنامنٹ میں لگاتار چار میچ ہار چکا ہے۔ وہ چھ میچوں میں صرف چار پوائنٹس کے ساتھ ورلڈ کپ سے تقریباً باہر ہو چکا ہے۔
یہ بھی پڑھیں: