ورلڈ کپ سے قبل نیوزی لینڈ، پاکستان اور بنگلہ دیش کے درمیان سہ ملکی ٹی ٹوئنٹی سیریز کے چھٹے اور گروپ کے آخری میچ میں پاکستان نے بنگلہ دیش کو شکست دے دی۔ آج کے میچ میں بنگلہ دیش نے ٹاس جیت کر بلے بازی کا فیصلہ کیا اور مقررہ 20 اوورز میں 6 وکٹوں کے نقصان پر 173 رنز بنائے۔ Pakistan Beat Bangladesh By 7 Wickets
ہدف کا تعاقب کرتے ہوئے پاکستان شاندار شروعات کی، بابر اعظم 55، محمد رضوان 69، حیدر علی صفر رن بناکر آؤٹ ہوئے۔ آل راؤنڈر محمد نواز نے 20 گیندوں پر 45 اور آصف علی 2 رنز بناکر ناٹ آؤٹ رہے۔ پاکستان نے بنگلہ دیش کے 174 رنز کے ہدف کو آسانی سے حاصل کیا۔ وہیں اب فائنل میچ جمعہ کے روز نیوزی لینڈ اور پاکستان کے درمیان کھیلا جائے گا۔
بنگلہ دیش کی جانب سے حسن محمود نے 2 جب کہ سومیا سرکار نے ایک وکٹ حاصل کی۔ بنگلہ دیش کی جانب سے لٹن داس اور شکیب الحسن نے بہترین بلے بازی کی اور بالترتیب 69 اور 68 رنز بنائے، اوپنرز نجم الحسین شنتو 12 اور سومیا سرکار 4 رنز بناکر پویلین لوٹے۔ اس کے علاوہ عفیف حسین 11 رنز بناکر رن آؤٹ ہوئے اور یاسر علی ایک ہی رن بناسکے۔ نور الحسن 2 اور محمد سیف الدین ایک رن بناکر ناٹ آؤٹ رہے۔
پاکستان کی جانب سے نسیم شاہ نے بہترین بولنگ کا مظاہرہ کیا اور 4 اوورز میں 27 رنز دے کر 2 وکٹیں حاصل کیں۔ محمد وسیم جونیئر نے 4 اوورز میں 33 رنز دے کر 2 کھلاڑیوں کو آؤٹ کیا۔ اس کے علاوہ محمد نواز بھی ایک وکٹ لینے میں کامیاب ہوئے جب کہ رضوان نے ایک کھلاڑی کو رن آؤٹ کیا۔
مزید پڑھیں:
