شیر بنگلہ اسٹیڈیم میرپور میں کھیلے گے دوسرے ٹی ٹونٹی میچ میں بھی آسٹریلیا کی بلے بازی فلاپ رہی جس کے سبب آسٹریلیا ایک بڑا اسکور کرنے میں ناکام رہی۔ ٹاس جیت کر پہلے بلے بازی کرتی ہوئی آسٹریلیائی ٹیم نے مقررہ 20 اوورز میں 7 وکٹوں کے نقصان پر محض 121 رنز ہی بناسکے۔
آسٹریلیائی ٹیم کی جانب سے مچل مارش نے شاندار بلے بازی کا مظاہرہ کرتے ہوئے 45 رنز بنائے، جبکہ دیگر کھلاڑیوں میں موئسس ہینریکس 30 رنز بنا کر نمایاں رہے۔
بنگلہ دیش کی جانب سے مستفیض الرحمٰن نے 3 اور شرف الاسلام نے دو جبکہ مہدی حسن اور شکیب الحسن نے ایک، ایک وکٹ لینے میں کامیاب رہے۔
121 رنز کے ہدف کا تعاقب کرتے ہوئے ابتدا میں میزبان ٹیم کی بلے بازی بھی اچھی نہ رہی اور انھوں نے اپنے دونوں سلامی بلے باز محض 21 رنز پر آؤٹ ہوئے۔
یہ بھی پڑھیں:بنگلہ دیش نے آسٹریلیا کو پہلی مرتبہ شکست دی
شکیب الحسن اور مہدی حسن نے ٹیم کو سہارا دیا، تاہم پہلے ان دونوں اور پھر کپتان محمود اللہ کے صفر پر آؤٹ ہونے کے بعد ٹیم مشکلات کا شکار ہوگئی تھی۔
ایسے میں عفیف حسین نے 37 اور نور الحسن نے 22 رنز کی ناقابلِ شکست اننگز کھیل کر 5 وکٹوں سے کامیابی حاصل کی۔
خیال رہے کہ یہ بنگلہ دیش کی آسٹریلیا کے خلاف نہ صرف سیریز میں بلکہ ٹی ٹوئنٹی تاریخ میں بھی دوسری کامیابی ہے۔ اس سے قبل پہلے ٹی ٹوئنٹی انٹرنیشنل میں بنگلہ دیش نے آسٹریلیا کیخلاف 23 رنز سے کامیابی حاصل کی تھی۔
