گوہاٹی: آسام کے ضلع شیوساگر میں بھارت۔ پاکستان ٹی 20 کرکٹ میچ دیکھنے کے دوران دل کا دورہ پڑنے سے ایک کرکٹ شائق کی موت ہوگئی۔ یہ واقعہ اتوار کی شام کو پیش آیا، مرنے والے شخص کی شناخت 34 سالہ بٹو گوگوئی کے طور پر کی گئی ہے۔ Assam man Dies of Cardiac Arrest While Watching India-Pak match
ایک پولیس اہلکار نے بتایا کہ گوگوئی اپنے کچھ دوستوں کے ساتھ اتوار کی شام ایک مقامی سنیما ہال میچ دیکھنے گئے تھے، جہاں میچ کا براہ راست ٹیلی کاسٹ کیا جا رہا تھا۔ میچ کے دوران گوگوئی اچانک بے ہوش ہو گئے۔ ان کے دوست انہیں فوری طور پر قریبی ہسپتال لے گئے جہاں ڈاکٹروں نے انہیں مردہ قرار دے دیا۔ ڈاکٹروں کے مطابق گوگوئی کو کرکٹ میچ کے دوران سینما ہال میں صوتی آلودگی کی حد سے زیادہ شور کی وجہ سے دل کا دورہ پڑا تھا۔ لاش کو پوسٹ مارٹم کے لیے بھیج دیا گیا ہے۔ دریں اثناء شیو ساگر پولیس کی ایک ٹیم نے واقعہ کی تحقیقات شروع کر دی ہے۔ لواحقین کے مطابق گوگوئی صحت مند تھے اور انہیں صحت سے متعلق کوئی پریشانی نہیں تھی۔
مزید پڑھیں:
