بھارت کی غیر سیڈ جوڑی نے چین کی تیسری سیڈ لی جن ہوئی اور لیو یو چن کی جوڑی کو کوارٹر فائنل میں 43 منٹ میں مسلسل گیموں میں 21-19، 21-15 سے اپنا شکار بنا کر سیمی فائنل میں داخلہ حاصل کر لیا۔
چائنا اوپن میں اب اکیلے بھارتی چیلنج کو سنبھال رہے رینکی ریڈی -چراغ نے یہاں ہیلنکسی اولمپکس اسپورٹس سینٹر میں کھیلے گئے میچ میں سابق عالمی چمپئن جوڑی کے خلاف اپنا کیریئر ریکارڈ 2-1 پہنچا دیا ہے۔
دنیا میں نویں درجہ بندی کی بھارتی جوڑی اور چینی جوڑی کے خلاف یہ اس سال کی مسلسل تیسرا مقابلہ بھی ہے۔ آخری بار تھائی لینڈ اوپن میں بھی بھارتی جوڑی جیتی تھی جبکہ آسٹریلیا اوپن میں انہیں چینی کھلاڑیوں نے شکست دی تھی۔میچ میں رینکی ریڈی -چراغ نے پہلے گیم میں 3-0 کی برتری بنائی لیکن ایک وقت 16-17 سے پچھڑ گئے۔ دونوں نے مسلسل پوائنٹس لے کر کھیل 21-19 سے جیتا جبکہ دوسرے گیم میں دونوں ٹیموں کے درمیان کافی سخت مقابلہ دیکھنے کو ملا جس میں 12-12 کی برابری کے بعد مسلسل تین پوائنٹس لے کر انہوں نے 15-12 کی برتری بنائی اور آخر تک اسے قائم رکھ کر گیم اور میچ جیت لیا۔
بھارتی جوڑی کا اب سیمی فائنل میں کیون سجيا سوكامولجو اور مارکس فرنالڈي گڈون کی ٹاپ سیڈ انڈونیشیا کی جوڑی سے مقابلہ ہوگا جنہوں نے جرمنی کے مارکس لامسف اور مارون سڈیل کو 21-14، 21-19 سے شکست دی۔ اگرچہ رینکی ریڈی -چراغ کے لئے یہ سب سے سخت مقابلہ ہوگا کیونکہ کیریئر کے اب تک کے سات مقابلوں میں وہ نمبر ایک رینک انڈونیشیا کی جوڑی سے کبھی نہیں جیت سکے ہیں۔
