انڈیپینڈنٹ ممبر فیڈریشنز سیكشنز پینل نے ہفتہ کو یہ اعلان کیا۔ تھائی ایمیچور ویٹ لفٹنگ ایسو سی ایشن اور ملیشیا ویٹ لفٹنگ فیڈریشن کو اس کے ساتھ ہی بالترتیب تین سال اور ایک سال کے لئے بین الاقوامی ویٹ لفٹنگ فیڈریشن کے رکن کے طور پر معطل کر دیا گیا ہے۔
پینل نے کہا کہ تھائی لینڈ-ملیشیا کے ویٹ لفٹرزپر ٹوکیو اولمپک میں حصہ لینے پرعائدپابندی اولمپک کے پروگرام میں تبدیلی کے باوجود بنی رہے گی۔ ٹوکیو اولمپک کو کورونا وائرس کی وجہ سے 2021 تک ملتوی کر دیا گیا ہے۔
تھائی لینڈ کے نو ویٹ لفٹرز ڈوپنگ میں 2018 عالمی چمپئن شپ میں مثبت پائے گئے تھے جس کے بعد تھائی لینڈ نے خود کو ٹوکیو اولمپک سمیت بین الاقوامی مقابلوں سے ہٹا لیا تھا۔
کسی بھی تھائی ویٹ لفٹرنے خود کو معطل کرنے کے بعد بین الاقوامی ویٹ لفٹنگ فیڈریشن کے اولمپک كوالیفکیشن میں حصہ نہیں لیا ہے۔
پینل نے کہا کہ پابندی کورونا وائرس کی وجہ سے منسوخ یا ملتوی کئے گئے بین الاقوامی ویٹ لفٹنگ فیڈریشن کے ٹورنامنٹوں کی مدت میں شروع نہیں ہوگی ۔
پینل نے کہا کہ تھائی لینڈ پر پابندی سات مارچ 2022 تک جاری رہے گی اور اس تاریخ کو یا اس کے بعد یہ پابندی تبھی ہٹا دی جائے گی جب تھائی لینڈ مقرر معیارات کو پورا کرے گا۔
ملیشیا میں اس کے تین ویٹ لفٹرزکو ایک کیلنڈر سال میں ڈوپنگ کے لئے قصوروار پائے جانے کے بعد پابندی عائد کی گئی ہے۔ اگر ملیشیا ڈوپنگ روکنے کے لئے مقرر پیرامیٹرز پر عمل کرتا ہے تو اس پر عائد پابندی اس سال چار اکتوبر کو ہٹ سکتی ہے۔
پینل نے کہا کہ دونوں فیڈریشنوں کے پاس کھیل ثالثی عدالت میں اپیل کرنے کے لئے ایک اپریل کے بعد سے 21 دن کا وقت رہے گا۔
