ورلڈ ٹور سپر 500 ٹورنامنٹ دہلی میں 24 سے 29 مارچ تک منعقد کیا جانا تھا لیکن کورونا وائرس کے خطرے کو دیکھتے ہوئے اسے ملتوی کر دیا گیا تھا۔ اس کے علاوہ نیوزی لینڈ اوپن سپر 300، انڈونیشیا اوپن سپر 1000، ملیشیا اوپن سپر 750، تھائی لینڈ اوپن سپر 500 اور چین میں ہونے والے ورلڈ ٹور فائنلس سمیت آٹھ ٹورنامنٹ کے پروگرام کے اوقات تبدیل کئے گئے ہیں۔
انڈیا اوپن کے علاوہ ہندستان ایک لاکھ 70 ہزار ڈالر کی انعامی رقم والے سید مودی انڈیا انٹرنیشنل ٹورنامنٹ کی میزبانی کرے گا۔ اس ٹورنامنٹ کا انعقاد لکھنؤ میں 17 سے 22 نومبر تک کیا جائے گا۔ اگرچہ اس ورلڈ ٹور سپر 300 ٹورنامنٹ کا 13 لاکھ 50 ہزار ڈالر کے انڈونیشیا اوپن ورلڈ ٹور سپر 1000 ٹورنامنٹ سے ٹکراؤ ہوگا۔
ہندستان اس کے ساتھ ہی 90 ہزار ڈالر کے انعامی رقم والاحیدرآباد اوپن منعقد کرے گا۔ اس بی ڈبليو ایف ٹور سپر 100 ٹورنامنٹ 11 سے 16 اگست تک منعقد کیا جائے گا۔ ورلڈ ٹور ایوینٹ کے علاوہ تھامس نکل کپ فائنلس ڈنمارک کے ارهانس میں تین سے 11 اکتوبر تک منعقد کیا جائے گا۔
کورونا کے خطرے کو دیکھتے ہوئے بی ڈبليو ایف نے کچھ ٹورنامنٹوں کو منسوخ کیا تھا جس میں 24 سے 29 مارچ تک ہونے والا اورلينس ماسٹرز 2020، سات سے 12 اپریل تک چلنے والا سنگاپور اوپن، 21 سے 26 اپریل تک ہونے والی بیڈمنٹن ایشیا چمپئن شپ، 23 سے 26 اپریل تک ہونے والی پین ایم انڈوجئل چمپئن شپ، 23 سے 28 جون تک منعقد ہونے والا امریکی اوپن، 30 سے پانچ جولائی تک چلنے والا کینیڈا اوپن، سات سے 12 جولائی تک منعقد ہونے والا روس اوپن، 18 سے 23 اگست تک ہونے والا انکیتا ماسٹرز، 25 سے 30 اگست تک چلنے والا ویت نام اوپن اور 29 ستمبر سے چار اکتوبر تک ہونے والا انڈونیشیا ماسٹرز شامل ہیں۔
