راج شری پروڈکشن کے بینر کے تحت بنی فلم ہم آپ کے ہیں کون 5اگست 1994 کو ریلیز ہوئی تھی جس کی ہدایت سورج بڑجاتیا نے کی تھی۔فلم کی ریلیز کے 25سال پورے ہوچکےہیں۔
اس فلم میں سلمان اور مادھوری کے علاوہ موہنیش بہل رینوکا شہانے،انوپم کھیر،ریما لاگو،آلوک ناتھ جیسے اداکاراہم کرداروں میں نظر آئے تھے۔اب میکرس اگلے ہفتے اس کی اسپیشل اسکریننگ ہوسٹ کر رہے ہیں۔
بتایا جارہا ہے کہ ’لبرٹی سنیما‘میں 9اگست کو اسپیشل اسکریننگ پلان کی گئی ہے جس میں سلمان ،مادھوری اور فلم کے باقی اداکاربھی شامل ہوں گے۔پوری ٹیم پرانے لمحوں کو تازہ کرےگی۔وہ اپنے تجربوں پر بات کریں گے۔ہم آپ کے ہیں کون کو راج شری پروڈکشن کی ہی فلم ’ندیا کےپار‘ کا ماڈرن ورژن مانا جاتا ہے۔
