تمل ٹیلی ویژن کی مشہور 28 سالہ اداکارہ چترا بدھ کے روز ہوٹل کے ایک کمرے میں مردہ حالت میں پائی گئیں۔ خدشہ ہے کہ انہوں نے خودکشی کی ہے۔ پولیس نے اس کی جانکاری دی ہے۔
انہوں نے بتایا کہ تمل ناڈو میں چھوٹے پردے کی مشہور اداکارہ چترا اپنگر نجرتھپیٹ میں ایک ہوٹل میں کمرے کے اندر مردہ حالت میں ملی۔ ان کی لاش پھندے سے لٹکتے ہوئے ملی۔
پولیس نے بتایا کہ موت سے پہلے تک اداکارہ کے ساتھ موجود ان کے منگیتر سے پوچھ گچھ کی جا رہی ہے۔
قریب کی جگہ پر شوٹنگ کے بعد چترا بنگلور پائے پاس کے ایک ہوٹل میں پہنچی تھیں۔ انہوں نے اپنے منگیتر کو بتایا تھا کہ وہ نہانے کے بعد باہر آجائیں گی۔ منگیتر کمرے میں ان کا انتظار کر رہا تھا۔
افسر نے بتایا کہ کافی دیر تک چترا کے باہر نہیں نکلنے پر انہوں نے دروازہ کھٹکھٹایا۔ جواب نہیں ملنے پر اس نے ہوٹل کے ملازمین کو صبح ساڑھے تین بجے اس کی اطلاع دی۔ اس شخص سے پوچھ گچھ کی جا رہی ہے۔ معاملے میں جانچ جاری ہے۔
مزید پڑھیں:
دربھنگہ میں سونے کے تاجر سے پانچ کروڑ کی لوٹ
چترا کی حال ہی میں ایک شخص کے ساتھ سگائی ہوئی تھی اور وہ ہوٹل کے کمرے میں اس کے ساتھ رہ رہی تھیں۔ ٹی وی سیریل پانڈین اسٹورس میں ملئی کے کردار میں چترا مشہور ہوئیں تھی۔ ان کی لاش کو پوسٹ مارٹم کے لیے بھیج دیا گیا ہے۔
