اطلاعات و نشریات کے مرکزی وزیر پرکاش جاؤڈیکر نے اتوار کو اعلان کیا کہ یکم فروری سے پورے ملک کے سنیما ہال کورونا سے متعلق تمام رہنما ہدایات پر عمل درآمد کرتے ہوئے سو فیصد گنجائش کے ساتھ کھلیں گے۔
مرکزی وزیر پرکاش جاؤڈیکر نے سنیما ہال اور تھیئٹروں کے لئے کورونا کے پھیلاؤ کو روکنے کے اقدامات پر معیاری آپریٹنگ طریقہ کار (ایس پی او) بھی جاری کیا۔
حکومت کے فیصلہ کا اعلان کرتے ہوئے مرکزی وزیر نے کہا کہ اب سنیما ہال مکمل گنجائش کے ساتھ کام کرسکتے ہیں۔
انہوں نے کہا کہ صفائی ستھرائی اور کورونا پروٹوکول پر عمل کرنا ہوگا، لیکن لوگ سنیما ہال اور تھیئٹروں کے اندر دکانوں سے کھانے کا سامان خرید سکتے ہیں۔
