جرمنی کے شہر برلن میں ہر برس فلم فیسٹیول کی تقریب کا انعقاد کیا جاتا ہے لیکن اس بار مارچ میں غیر روایتی یعنی ورچوئل طور پر منعقد کی جائے گی۔
برلن فلم فیسٹیول کی تقریب ورچوئل طور پر منعقد کی جائے گی
عالمی وبا کورونا وائرس کے باعث پابندیوں کی وجہ سے فیسٹیول کی رنگا رنگ تقریب منعقد نہیں کی جائے گی۔ فلم فیسٹیول سنہ 2021 کے حوالے سے حال ہی میں یہ اہم اعلان کیا گیا ہے۔
یہ بھی پڑھیں: اسرائیل میں کورونا ٹیکہ کاری مہم کا آغاز
برلن فلم فیسٹیول سنہ 2021 نئے برس میں 11 فروری کو شروع ہونے ولا تھا جو 21 فروری تک جاری رہتا۔ کورونا وائرس کی وجہ سے برلن فلم فیسٹیول سنہ 2021 کی تاریخ آگے بڑھا کر مارچ کے پہلے ہفتے میں مقرر کر دی گئی ہے۔
واضح رہے کہ گذشتہ دنوں فلموں کی دنیا کے سب سے بڑے میلے آسکر ایوارڈ کی تقریب ورچوئل کے بجائے روایتی انداز میں منعقد کرنے کا فیصلہ کیا گیا ہے۔
