جینیفر اور شکیرا کا ہاف ٹائم شو مداحوں کی امیدوں پر کھرا اترا

شکیرا کے ڈانس موُز اور جینیفر لوپیز کا پول ڈانس مداحوں کے لیے تفریح کا ذریعہ بنا، لیڈی گاگا نے کہا کہ یہ ڈانس پرفارمنس زبردست رہا۔

کولمبین گلوکارہ اور ڈانسر شکیرا نے باقی بیک گراونڈ ڈانسرز کے ساتھ 'سُوپر باول لائیو' ہاف ٹائم شو کی شروعات اپنے ڈانس موُز دکھا کر کی۔

شکیرا نے اپنے گانے 'آئی لائک اِٹ' کے ساتھ شو کی شروعات کی، 43 سالہ شکیرا کے ساتھ گلوکار بیڈ بنی بھی موجود رہے۔

اس شو کو خاص طور پر لیٹینہ ثقافت کو منانے کے لیے منعقد کیا گیا تھا، اس دوران اسپینش، انگریزی اور بھی کئی مختلف گانوں پر رقص کیا گیا۔

شکیرا پیرفارم کرتی ہوئی

وہیں اس کے بعد مشہور گلوکارہ اور ڈانسر جینیفر لوپیز اپنے گانے 'ھپز ڈونٹ لائی' کے ساتھ اسٹیج پر آئی اور دھوم مچا دی، انہوں نے پول ڈانس پرفارمینس دی، جس نے مداحوں کے درمیان دھوم مچا دی۔

پچاس سالہ جینیفر لوپیز نے کالے رنگ کے باڈی سوٹ میں 'ویٹنگ فار ٹونائٹ' پر پول ڈانس کیا، جو مداحوں کے درمیان خاصا مقبول رہا۔

اس کے علاوہ لوپپیز کی 11 سالہ بیٹینے بھی لیٹز گیٹ آوٹ پر ڈانس کیا، اور ساتھ میں شکیرا نے اپنے پرانے گانے 'واکا واکا' پر ڈانس کیا۔ شکیرہ کے مقبول سال 'واکا واکا' سے اسٹیج پر دھوم مچ گئی اور مداحوں نے بھی خوب رقص کیا۔