اداکارہ جیمی کنگ نے انکشاف کیا کہ لاس اینجلس میں میئر کے گھر کے باہر احتجاج کرنے کے دوران انہیں گرفتار کیا گیا۔
خبروں کے مطابق 41 سالہ اداکارہ ان ہزار لوگوں میں شامل تھی، جو منگل کے روز میئر ایریک گارسیٹی کے گھر کے باہر جمع ہوئے تھے، تاکہ ان سے مطالبہ کیا جاسکے کہ لاس اینجلیس کے محکمہ پولیس میں جارج فلائیڈ کی موت کے پیش نظر سسٹیمٹک تبدیلی کی جائے۔
منگل کے روز اداکارہ نے ٹوئیٹر پر لکھا کہ فی الحال مجھے پرامین احتجاج کرنے کی وجہ سے گرفتار کیا گیا۔
تقریبا ایک گھنٹہ کے بعد انہوں نے ایک اور ٹوئیٹ کرتے ہوئے پولیس پر الزام عائد کیا کہ پولیس ان کے ساتھ بدسلوکی کر رہی ہے۔
انہوں نے مزید لکھا کہ فی الحال چار گھنٹے سے زائد وقت گزر چکا ہے اور ابھی بھی میں بس میں ہی ہوں، ہمیں 77ویں پریسنکٹ سے سین پیڈرو لے جایا جارہا ہے۔
اداکارہ نے سوشل میڈیا کا استعمال بلیک لائیو میٹر تحریک کی حمایت کرنے اور اپنی آواز کو بلند کرنے کے لیے کی۔
انہوں نے مزید لکھا کہ 'سیاہ فام کی آوز اہمیت رکھتی ہے، سیاہ فام کی کہانی اہمیت رکھتی ہے اور سیاہ فام کی زندگی اہمیت رکھتی ہے۔
انہوں نے لکھا کہ ہم اپنی آوازوں کو اور اپنی پلیٹ فارم کو کسطرح استعمال کرتے ہیں یہ اہم ہے۔صرف اتنا کہنا کافی نہیں ہےکہ بلیک لائیو میٹر۔ہمیں اپنے اثر و رسوخ کا استعمال کرکے ان آوازوں کو بلند کرنے کی ضرورت ہے جو دنیا کو بدلنے کی صلاحیت رکھتی ہے۔یہ ایک استحقاق کی بات ہےکہ ہم بغیر کسی خوف کے باہر جاسکتے ہیں، آپ کو یہ ڈر نہیں ہوتا ہےکہ آپ اپنی رنگت کی وجہ سے گھر واپس لوٹ جائیں۔یہ میرے لیے استحقاق کی بات ہے کہ میرے پاس ایک پلیٹ فارم ہے اور اس کے ذریعہ میری آواز کو سنا جاسکتا ہے۔
