بالی ووڈ کی معروف اداکارہ پرینکا چوپڑا جلد ہی ہالی ووڈ کی ایک فلم میں نظر آنے والی ہیں۔ اس کا اعلان انہوں نے اپنے ہی سوشل میڈیا پر کیا ہے۔
بتا دوں کہ 'ٹیکسٹ فار یو' نامی اس فلم میں پرینکا چوپڑا، اسٹراسے، سیم ہیوگن، سیلین ڈایون جیسے ہالی ووڈ ستارے ایک ساتھ نظر آئیں گے۔
پرینکا چوپڑا نے اس خبر کے بارے میں معلومات دیتے ہوئے لکھا کہ 'میں شاندار لوگوں کے ساتھ ایک شاندار فلم شروع کرنے کے لیے بےحد پرجوش ہوں۔ جم اسٹراسے، سیم ہیوگن، سیلین ڈایون۔ یہ میری خوش قسمتی ہے'۔
جانکاری کے مطابق، یہ جرمن فلم 'ٹیکسٹ فار یو' کا ریمیک ہے جو سنہ 2016 میں ریلیز ہوئی تھی۔ یہ سوفی کریمر کے ناول پر مبنی ہے۔
فلم کی کہانی ایک ایسی خاتون کے ارد گرد گھومتی ہے جو اپنے منگیتر کو کھونے کے بعد اس کے پرانے موبائل نمبر پر رومانٹک ٹیکسٹ بھیجنا شروع کر دیتی ہے۔ جیسے جیسے کہانی آگے بڑھتی ہے، یہ انکشاف ہوتا ہے کہ فون نمبر کسی دوسرے شخص کے پاس ہوتا ہے جو خود بھی اسی طرح کی پریشانی کا سامنا کر رہا ہوتا ہے۔ فلم پھر ایک نئی کہانی کے ساتھ آگے بڑھتی ہے۔
بتا دیں کہ پرینکا جلد ہی 'دی وائٹ ٹائیگر' میں راجکمار راؤ کے ساتھ نظر آئیں گی۔ حال ہی میں پرینکا نے اپنی آنے والی فلم 'دی وائٹ ٹائیگر' سے اپنے کردار پنکی کا پہلا لک شیئر کیا ہے۔ اپنے انسٹاگرام اکاؤنٹ پر اس لک کو اشتراک کرتے ہوئے انہوں نے اس کردار کے بارے میں تفصیل سے بتایا ہے۔
وہیں، بات کریں پریانکا کے ورک فرنٹ کی تو آخری بار وہ بالی وڈ فلم 'دی اسکائی از پنک' میں نظر آئی تھیں۔ جس میں ان کے ہمراہ بالی ووڈ اداکار فرحان اختر، اداکارہ زائرہ وسیم اور روہت شرف بھی تھے۔
