اداکار ارجن کپور نے اپنے پالتو کتے میکس کو انسٹاگرام فیملی سے متعارف کراتے ہوئے لوگوں سے اپیل کی کہ لاک ڈاؤن کے درمیان اپنے پالتو جانور کو ترک نہ کریں۔
اداکار نے انسٹاگرام میں ویڈیو پیغام پوسٹ کیا ، اس پوسٹ میں ان کے ساتھ ان کا چار سالہ پالتو کتا نظر آرہا ہے۔
انہوں نے اپنے کتے کا تعارف کراتے ہوئے ویڈیو پیغام کا آغاز کیا اور کہا کہ "وہ چار سال کا ہے اور بہت بدمعاش ہے۔ میکس کسی کی بات نہیں سنتا اور جو من کرتا ہے وہی کرتا ہے۔ دراصل، وہ کچھ کرتا ہی نہیں ہے۔"
انہوں نے مزید لکھا کہ اس کے لیے میں اور انشولا ایک پالتو جانور ہیں۔وہ ہم پر حکم کرتا ہے ۔وہ نالائق ہے لیکن وہ ہماری فیملی کا حصہ ہے۔
اس کے بعد 34 سالہ اداکار نے لوگوں سے اپیل کی کہ اپنے جانوروں کو ترک نہ کریں۔
کپور نے کہا ،ایک ایسے وقت میں جب ہمارا ملک کورونا وائرس میں مبتلا ہے۔ ایسے میں مئیں پالتو جانوروں کو سڑکوں پر چھوڑ جانے کے بارے میں سن رہا ہوں اور پڑھ رہا ہوں۔ جس سے بہت مایوس ہوں۔
انہوں نے مزید کہا ،اپنے پالتو جانوروں کو مت چھوڑیں کیونکہ وہ کبھی آپ کو نہیں چھوڑتے ہیں۔ بے آواز کی آواز بنیں اور ان سے محبت کرتے رہیں اور انہیں خراب کرتے رہیں۔
