بھارتی سنیما شائقین کے لیےخوشخبری ہے۔ جو فرحان اختر اور پرینکا چوپڑا جوناس کی فلم 'دی اسکائی از کنگ' کے پوسٹر کا بے صبری سے انتظار کر رہے تھے، اب ان کا انتظار ختم ہو چکا ہے، ٹی آئی ایف ایف نے اپنے ٹوئٹر ہینڈل پر فلم کا پوسٹر جاری کیا ہے۔
فلم کا پریمیئر اس سال ٹورنٹو بین الاقوامی فلم فیسٹیول میں لانچ ہونے جارہا ہے۔ جس سے فلم کے اداکار و فلم ساز کافی خوش ہیں۔
اس فلم کا پوسٹر کافی دلفریب ہے،شام کے وقت سمندر کے کنارے چاروں کاسٹ فرحان اختر، روہت صراف، زائرہ وسیم، اور پرینکا چوپڑا سمندر کو دیکھتے ہوئے نظر آرہے ہیں۔
فلم کی کہانی ایک غیر معمولی لڑکی عائشہ چودھری کی حقیقی زندگی پر مبنی ہے۔ جو 13 سال کی عمر میں ایک مہلک لاعلاج بیماری سے ٹھیک ہونے کے بعد موٹی ویشنل اسپیکر بن گئی۔
فلم کو پروڈیوس پرینکا چوپڑا جوناس، رَونی اسکرو والا اور سدّھارتھ رائے کپور نے کیا ہے۔ فلم کو دنیا بھر میں 11 اکتوبر 2019 کو ریلیز کیا جائے گا۔
