اداکارہ سشمیتا سین کا کہنا ہےکہ اداکار سشانت سنگھ راجپوت کے دردناک موت نے ذہنی صحت کے بارے میں بات کرنے کے لیے انہیں اکسایا ہے۔وہ کہتی ہیں کہ ذہنی صحت کے بارے میں بات کرنا بہت ضروری ہے۔
سشانت نے اتوار کے روز خود کشی کرلی تھی۔ان کی موت کے بعد سے بالی ووڈ اور ان کے مداحوں میں غم و رنج کو ماحول ہے، اطلاع کے مطابق وہ گزشتہ چند مہینوں سے ڈپریشن کا شکار تھے اور ان کا علاج چل رہا تھا۔
سشمیتا کا کہنا ہے کہ سشانت اور کئی دیگر نوجوان ہمیں یہ بات بتانے کی کوشش کررہے ہیں کہ ہمیں دوسرے لوگوں پر الزام عائد کرنے سے پہلے اپنی چیزوں کی ذمہ داری لینی ہوگئی
سشمیتا نے کہا کہ جب میں نے یوٹیوب چینل شروع کیا تھا تب اس میں ایک کمینٹ بار بار آتا تھا، ہر کوئی مجھے ذہنی صحت کے بارے میں بولنے کے لیے کہہ رہا تھا۔یہ بات سشانت کی خبر سے پہلے کی ہے۔ میں سوچتی رہی کی ٹھیک ہے میں کچھ اس بارے میں کروں گی، میں نے طئے کیا کہ بلاگ لکھوں گی لیکن میں شروع نہیں کر پائی۔جب میں نے سشانت کی خبر سنی، تو میں نے بس مسلسل لکھنا شروع کردیا۔
سشمیتا نے اپنے مداحوں کو زندگی میں کبھی ہار نہیں ماننے کے لیے کہا اور آخر تک لڑتے رہنے اور ضرورت پڑنے پر ہمیشہ مدد لینے کے لیے بھی کہا۔
انہوں نے اپنی پوسٹ میں ایک تصویر شئیر کی، جس میں لکھا تھا 'پروٹکیٹ یو پیس' یعینی امن کو برقرار رکھنے کے لیے اس کی حفاظت کرنے کی ضرورت ہوتی ہے۔
