'رشی اور رنبیر کا موازنہ نہیں کیا جاسکتا'

بالی ووڈ کی شاٹ گن شتروگھن سنہا کا کہنا ہے کہ رشی کپور اور ان کے بیٹے رنبیر کپور کے مابین کوئی موازنہ نہیں کیا جاسکتا۔

بالی ووڈ کے بہترین اداکار رشی کپور کے انتقال پر فلم انڈسٹری میں دکھ کی لہر ہے۔ شتروگھن سنہا نے رشی کپور کو یاد کیا اور انہیں ایک بہترین اداکار بتایا۔

شتروگھن سنہا نے رشی کپور کو رومانس کا پوسٹر بوائے کہا۔ انہوں نے یہ بھی کہا کہ رشی کپور کی وراثت کو آگے بڑھانا رنبیر کپور کے لئے آسان نہیں ہوگا۔ شتروگھن سنہا نے کہا ’’راجندر کمار اور راجیش کھنہ کے بعد رشی کپور اپنے انداز سے رومانس کا پوسٹر بوائے بننے میں کامیابی حاصل کی تھی۔ لیکن رنبیر کپور کو ابھی بہت طویل سفر طے کرنا ہوگا۔ کیونکہ باپ باپ ہوتا ہے۔ اس وقت دونوں کا موازنہ نہیں کیا جاسکتا۔

شتروگھن سنہا نے رشی کپور کے ساتھ ’نصیب، خودغرض، رن بھومی سمیت متعدد فلموں میں کام کیا ہے۔