کنگ خان کے نام سے مشہور شاہ رخ خان کے مداحوں کے لیے خوشخبری ہے، ان کا 19 ایپی سوڈ پر مشتمل 'سرکس' نامی شو ایک بار پھر سے دوردرشن پر ٹیلی کاسٹ کیا جائے گا۔
دوردرشن نے یہ فیصلہ لاک ڈاؤن کے پیش نظر لیا ہے تاکہ لوگ اپنے گھروں میں رہیں، یہ شو آج(28 مارچ) رات آٹھ بجے ٹیلی کاسٹ کیا جائے گا۔
دوردرشن نے اپنے ٹویٹر پر اس بات کی اطلاع دیتے ہوئے کہا کہ 'شاہ رخ از بیک! دوستوں گھر پر ہی رہیئے اور اپنے پسندیدہ اسٹار شاہ رخ خان کا شو 'سرکس' دیکھئے۔
واضح رہے کہ سرکس نامی مشہور شو سنہ 1989 میں ریلیزہوا تھا جس میں شاہ رخ خان نے شیکھرن نامی کردار ادا کیا تھا جو شو کا اہم کردار تھا اور اس شو کو کافی پذیرائی ملی تھی۔
بالی وڈ کے بادشاہ شاہ رخ خان نے اسی ٹی وی شو سے اسکرین پر اپنے کریئر کی شروعات کی تھی۔
شاہ رخ کے اس شو کی دوبارہ ٹیلی کاسٹ ان کے مداحوں کے لیے بڑی خوشخبری ہے کیوں کہ شاہ رخ سنہ 2018 میں ریلیز ہونے والی 'زیرو' کے بعد سے اب تک اسکرین سے دور ہیں۔
