ورون دھون نے انسٹاگرام میں کیا مزاحیہ پوسٹ

اداکار ورون دھون نے حال ہی میں کورونا متاثر پائے جانے کی تصدیق کی تھی جس کے بعد سے وہ گھر میں ہی قرنطینہ اختیار کیے ہوئے ہیں۔ اداکار نے انسٹاگرام میں تین تصاویر شیئر کیں اور ان کے ذریعہ لکھے گئے عنوان سے یہ ظاہر ہو رہا ہے کہ وہ اس مشکل اوقات میں خوش مزاج اور مثبت رہنے کی کوشش کر رہے ہیں۔

اداکار ورون دھون چنڈی گڑھ میں اپنی آئندہ فلم جگ جگ جیو کی شوٹنگ کے دوران کورونا سے متاثر ہوگئے تھے جس کے بعد سے وہ ممبئی میں اپنی رہائش گاہ میں قرنطینہ اختیار کیے ہوئے ہیں لیکن ایسا لگتا ہے کہ اداکار اپنی آئیسولیشن والی اس زندگی میں لطف اٹھانے کی کوشش کر رہے ہیں۔

ورون نے انسٹاگرام میں تین تصاویر شیئر کیں اور ہر ایک تصویر اداکار کے عمر کے مختلف مرحلے کو دکھاتی ہے۔ ان تصاویر میں اداکار نوعمر سے لے کر جوان اور آخری میں جھریوں والے بوڑھے شخص کے طور پر نظر آرہے ہیں۔

اداکار نے ان تصویر کے ساتھ عنوان میں لکھا ہے 'آئیسولیشن والی زندگی'۔ ورون کے پوسٹ شیئر کرنے کے ایک گھنٹے کے دوران تقریباً چار لاکھ لوگوں نے اس پوسٹ کو پسند کیا۔

واضح رہے کہ ورون اب کلی نمبر 1 میں نظر آئیں گے۔ اس فلم کی ہدایتکاری ان کے والد ڈیوڈ دھون نے کی ہے۔وہیں سارہ علی خان بھی ورون کے ساتھ مرکزی کردار میں نظر آئیں گی۔