سروج خان کا ریت کا مجسمہ بناکر خراج عقیدت

سروج خان کے موت بعد ان کے مداحوں میں غم کا ماحول ہے۔ ان کے مداح سوشل میڈیا پر مختلف طریقوں سے خراج عقیدت پیش کر رہے ہیں۔ عالمی شہرت یافتہ سینڈ آر ٹسٹ سدرشن پٹنائک نے سروج خان کا ریت کا مجسمہ بناکر خراج عقیدت پیش کی۔

سدرشن پٹنائک نے اوڈیشہ کے شہر پوری میں ریت پر اپنے منفرد اور تخلیقی فن کو اجاگر کرتے ہوئے سروج خان کو خراج عقیدت پیش کیا۔

غورطلب ہے کہ کوریو گرافر سروج خان کا ممبئی میں حرکت قلب بند ہوجانے کی وجہ سے ممبئی کے باندرہ کے گرو نانک اسپتال میں انتقال ہوگیا تھا۔ ان کی عمر 72 برس تھی۔

وہ گزشتہ دو ہفتوں سے ممبئی کے نجی اسپتال میں زیرعلاج تھیں۔ انھیں سانس میں تکلیف ہونے کے بعد اسپتال میں داخل کیا گیا تھا جہاں ان کا کورونا کا ٹیسٹ بھی ہوا تھا جو منفی آیا تھا، کل صبح تقریباً دو بجے ان کا انتقال ہوگیا تھا۔