بالی ووڈ اداکار رنویر سنگھ نے اپنے انسٹاگرام اکاؤنٹ پر ایک تصویر شیئر کی ہے۔ جس میں ان کا ایک نیا لُک دیکھنے کو مل رہا ہے۔ تصویر شیئر کرنے کے ساتھ اداکار نے اس لک کا کریڈٹ اپنی اہلیہ اداکارہ دیپیکا پاڈوکون کو دیا ہے۔
رنویر سنگھ بالی ووڈ کے ایک ایسے اداکار ہیں جو اپنے لک اور لباس کو سب سے دلکش بنانے کی کوشش کرتے رہتے ہیں۔ رنویر نے اس نئے لک کا کریڈٹ اپنی اہلیہ اور اداکارہ دیپیکا پادوکون کو دیا ہے۔
رنویر نے اپنے انسٹاگرام اکاؤنٹ پر جو تصویر شیئر کی ہے اس میں ان کا سائڈ فیس نظر آرہا ہے۔ اس تصویر میں رنویر کے بالوں کو الگ طریقے سے باندھا گیا ہے۔
اس تصویر میں رنویر کیمرے کے بجائے کہیں اور دیکھ رہے ہیں۔ تصویر کو شیئر کرتے ہوئے اداکار نے بالوں کی اسٹائل کا کریڈٹ دیپیکا پادوکون کو دیا ہے۔ جس کے ساتھ انہوں نے کیپشن میں لکھا، 'مجھے یہ پسند آیا آپ کا کیا خیال ہے؟'
رنویر کے مداحوں کو یہ نیا لک بے حد پسند آرہا ہے اور وہ کمنٹ باکس میں اپنی رائے بھی دے رہے ہیں۔
یہ بھی پڑھیں: نصیر الدین شاہ ہر فن مولیٰ اداکار
ورک فرنٹ کے بارے میں بات کریں تو رنویر سنگھ اپنی آنے والی فلم '83' کے ریلیز کا انتظار کر رہے ہیں۔ گزشتہ 10 اپریل کو ریلیز ہونے والی فلم کورونا وائرس کی وجہ سے ملتوی کردی گئی ہے۔ کبیر خان کی ہدایتکاری میں بننے والی فلم '83 'میں رنویر سنگھ کے ساتھ دیپیکا پادوکون نظر آئیں گی۔
