بھارت فلم صنعت کے لیے آسکر کی جانب سے ایک دل توڑ دینے والی خبر سامنے آئی ہے کیونکہ اب گلی بوائے کو آسکر ریس سے باہر کردیا گیا ہے۔
بیانوے اکادمی ایوارڈز نے اپنے نو کیٹیگری کی فلموں کی لسٹ جاری کی تھی جس میں گلی بوائے ایک بھی لسٹ میں اپنا نام درج نہیں کراپائی ہے جس کے بعد اب بھارت کا آسکر ایوارڈ جیتنے خواب ایک بار پھر سے ادھورا رہ گیا ہے۔
دراصل ستمبر کے مہینے میں جب بھارت کی جانب سے گلی بوائے کو آسکر کے لیے منتخب کیا گیا تھا تب فلم پروڈیوسر فرحان اختر کی خوشی کا کوئی ٹھکانہ ہی نہیں رہا تھا۔
فرحان اختر نے ٹویٹ کرتے ہوئے لکھا تھا کہ گلی بوائے 92ویں آسکر ایوارڈز میں بھارت کی اس فلم کومنتخب کیا گیا ہے۔ فلم فیڈریشن کو شکریہ اور زویا اختر، رنویر سنگھ، عالیہ بھٹ، سددھانت چترویدی، کالکی کوچلین پوری ٹیم کو مبارکباد۔
واضح رہے کہ رنویر سنگھ اور عالیہ بھٹ کی اداکاری سے سجی اس فلم کی بات کریں تو یہ ایک ایسے ریپر کی کہانی ہے جو اپنی گلوکارانہ صلاحیت کے ذریعے خوب شہرت کمانا چاہتا ہے۔ لیکن یہ شخص اپنے گھریلو مسائل اور کمزور معاشی حالات کا مقابلہ کرتے ہوئے کیسے اپنا نام بناتا ہے اسی پر یہ فلم بنائی گئی ہے۔
