چرنجیوی کی فلم میں ولن کا کردارنبھا سکتے ہیں آر مادھون

معروف اداکار آرمادھون سپر ہٹ ملیالم فلم لوسیفر کے ریمیک میں ولن کا کردار ادا کرسکتے ہیں۔

جنوبی ہند کے سپر اسٹار چرنجیوی نے فلم لوسیفر کا تیلگو ریمیک بنانے کا فیصلہ کیا ہے۔ لوسیفر کے ری میک میں چرنجیوی مرکزی کردار میں نظر آنے والے ہیں۔ بتایا جا رہا ہے کہ آر مادھون بھی اس فلم میں چرنجیوی کے ساتھ کام کرتے نظر آئیں گے۔ ایسا کہا جا رہا ہے کہ آر مادھون اس فلم میں ولن کا کردارنبھاتے دکھائی دے سکتے ہیں۔

قابل ذکر بات یہ ہے کہ 'لوسیفر' کے ڈائریکٹر موہن راجہ ہیں۔ فلم کی شوٹنگ جنوری میں شروع ہوئی تھی۔

یہ 2019 میں بنی کامیاب ملیالم فلم ’لوسیفر‘ ہی کا ری میک ہے۔ اس فلم کی تخلیق این وی پرساد اور کونڈیلا پروڈکشن کے بینر تلے کی جا رہی ہے۔ اداکار ستیہ دیو بھی اس میں خاض کردار نبھانے والے ہیں۔ 'لوسیفر' ایک سیاسی ڈرامہ فلم تھی جس نے باکس آفس پر بہترین مظاہرہ کیا تھا۔

یو این آئی