اداکار آر مادھون کے ایک مداح کے ذریعہ سوشل میڈیا میں پوسٹر وائرل کرنے کے بعد انٹرنیٹ میں یہ خبریں گشت کر رہی ہیں کہ مادھون رتن ٹاٹا کی بائیوپک میں مرکزی کردار ادا کرتے ہوئے نظر آسکتے ہیں۔
جب ایک مداح نے اداکار سے سوال کیا کہ کیا ان قیاس آرائیوں پر یقین کیا جائے جس پر اداکار نے مداح کو جواب دیتے ہوئے کہا کہ ان افواہوں پر دھیان نہ دیں۔ مادھون نے واضح کیا کہ ان قیاس آرائیوں میں کوئی سچائی نہیں ہے اور ایسے کسی پروجیکٹ کے ساتھ وابستہ نہیں ہیں۔
ٹویٹر پر ایک اور مداح نے اس خبر سے متعلق اداکار سے پوچھا کہ کیا اس خبر میں کوئی سچائی ہے کہ آپ رتن ٹاٹا کی بائیو پک میں مرکزی کردار ادا کر رہے ہیں؟ اگر یہ بات سچ ہوتی ہے تو یہ بہت لوگوں کو متاثر کرے گی۔
جب اداکار نے دیکھا کہ یہ افواہیں سوشل میڈیا پر گشت کر رہی ہیں تب مادھون نے مداح کو جواب دیا کہ 'بدقسمتی سے یہ سچ نہیں ہے۔ یہ کچھ مداحوں کی خواہش ہوگی جس نے یہ پوسٹر بنایا لیکن میں ایسے کسی بھی پروجیکٹ سے منسلک نہیں ہوں اور نہ ہی ایسے کسی پروجیکٹ پر بات چیت کی جاری ہے۔'
واضح رہے کہ 50 سالہ اداکار حال ہی میں ایک ڈیجیٹل میڈیا پلیٹ فارم پر ریلیز ہوئی تھرلر فلم نیشبدھم میں نظر آئے تھے۔ اس فلم میں انوشکا شیٹی، انجلی اور ہالی ووڈ اداکار مائیکل میڈسین بھی ایک خاص کردار میں نظر آئے تھے۔ یہ فلم ایمیزون پرائم ویڈیو پر ریلیز کی گئی۔
