ہماچل پردیش کے شملہ میں 31 جنوری 1975 کو پیدا ہونے والی پریتی زنٹا نے اپنے کیریئر کا آغاز اشتہاری فلموں سے کیا۔
انہوں نے اپنے فلمی کیرئیر کی شروعا ت 1998 میں منی رتنم کی فلم 'دل سے' کی۔ اس فلم کے لئے انہیں فلم فیئر کے بہترین ڈیبو اداکارہ کے ایوارڈ سے نوازا گیا۔
سال 1998 میں پریتی کی ایک دیگر فلم 'سولجر' ریلیز ہوئی۔ اس فلم میں ان کے اپوزٹ بوبی دیول تھے۔ سسپنس تھریلر پر مبنی اس فلم میں پریتی اور بوبی کی جوڑی کو شائقین نے بہت پسند کیا۔ فلم سولجر باکس آفس پر سپر ہٹ ثابت ہوئی۔
سال 2000 میں منظرعام پر آئی فلم 'کیا کہنا' پریتی کے کیریئر کے لئے ایک اہم فلم ثابت ہوئی۔ اس فلم سے پہلے لوگوں کا خیال تھا کہ وہ صرف چلبلے کردار ہی ادا کرسکتی ہیں، لیکن اس فلم میں ان کی جذباتی اداکاری سے ناظرین محظوظ ہوگئے۔ اس فلم کے لئے انہیں بہترین اداکارہ کے فلم فیئر ایوارڈ کے لئے نامزد کیا گیا۔
سال 2001 میں آئی فلم 'دل چاہتا ہے' پریٹی زنٹا کے کیریئر کی اہم فلموں میں سےشمار کی جاتی ہے۔ اس فلم سے فرحان اختر نے بالی وڈ میں بطور ڈائریکٹر اپنی شروعات کی تھی۔
تین دوستوں پر مبنی اس فلم میں پریتی کے اپوزٹ عامر خان تھے۔ فلم میں عامر خان کے ساتھ ان کی جوڑی کو ناظرین نے بے حد پسند کیا۔
سال 2003 پریتی کے کیریئر کے لئے اہم سال ثابت ہوا۔ اس سال ان کی 'کل ہو نہ ہو' اور 'کوئی مل گیا' جیسی سپر ہٹ فلمیں جلوہ گر ہوئیں۔
فلم کل ہو نہ ہو کے لیے انہیں بہترین اداکارہ کے فلم فیئر ایوارڈ سے نوازا گیا وہیں کوئی مل گیا کے لئے انہیں بہترین اداکارہ کے فلم فیئر ایوارڈ کے لئے نامزد کیا گیا۔
سال 2004 میں آئی فلم 'ویر زارا' پریتی کے کیریئر کی قابل ذکر فلموں میں شمار کی جاتی ہے۔ یش چوپڑا کی ہدایت میں بنی اس فلم میں پریتی اور شاہ رخ خان کی جوڑی ایک بار پھر پسند کی گئی۔
سال 2005 میں آئی لو ان ریلیشن پر مبنی فلم 'سلام نمستے' کے ذریعے پریتی نے ایک بار پھر اپنی بااثر اداکاری سے ناظرین کو دیوانہ بنا دیا۔
سال 2006 میں آئی فلم 'کبھی الوداع نہ کہنا' ان کے کیریئر کی آخری سپر ہٹ فلم ثابت ہوئی۔
سال 2009 میں آئی فلم 'میں اور مسز کھنہ' کے بعد انہوں نے فلم انڈسٹری سے کنارہ کر لیا۔ سال 2013 میں منظر عام پر آئی فلم 'عشق ان پیرس' کے ذریعے پریتی نے 'کم بیک' کیا لیکن یہ فلم کامیاب نہیں رہی۔ پریتی نے سال 2014 میں آئی فلم 'ہیپی اینڈنگ' میں کیموکیا۔ سال 2016 میں انہوں نے جین گڈاینف کے ساتھ شادی کرلی۔ آجکل وہ فلم انڈسٹری میں سرگرم نہیں ہیں۔
