اچھی اسکرپٹ ہونے پر بھارت میں کام کیا:کترینہ کیف

مشہوراداکارہ کترینہ کیف کا کہنا ہے کہ انہوں نے فلم بھارت میں کام کرنے کو اس لیے ترجیح دی کیوں کی اس کی اسکرپٹ اچھی تھی۔

ڈائیریکٹر علی عباس ظفر کی ہدایت میں بنی فلم بھارت میں پہلے سلمان خان کے ساتھ پرینکا چوپڑا کو منتخب کیا گیا تھا لیکن ان کے فلم چھوڑنے کے بعد کترینہ کیف کا انتخاب کیاگیا۔ اور اس تعلق سے کترینہ کیف نے پرینکا چوپڑا کی جگہ منتخب کیے جانےپر بیان دیا ہے۔

کترینہ نے کہا کہ پرینکا کے فلم چھوڑنے کے بعد بھارت میں ان کی کاسٹنگ کا سلمان خان اور علی عباس کی دوستی سے کوئی تعلق نہیں تھا۔

انھوں نے پوری اسکرپٹ 3گھنٹے میں پڑھی تھی جس کے بعد کترینہ نے علی عباس کو فون کرکے کہا کہ انھیں اسکرپٹ پسند آئی۔ اور انھیں لگا کہ اس کردار کے ساتھ انھیں بہت دور تک جانے کا موقع ملے گا۔اس لیے بھارت کا سلمان اور علی کی دوستی سے کوئی لینا دینا نہیں ہے۔

واضح رہے کہ فلم بھارت 5 جون کو ریلیز ہورہی ہے۔